27нче май көнне Теләче 2нче номерлы  балалар бакчасында 2020/2021нче  уку елына йомгак педагогик киңәшмә булып үтте. Төп тема буенча бакча мөдире Хасаншина Ф. Ф. һәм өлкән тәрбияче Галимова Н.Ф.чыгыш ясадылар: алар 2020/2021нчы уку елына анализлап, киләсе уку елына куелган мәсьәләләрне яктырттылар. Шулай ук киңәшмәдә педагог-психолог Зиннатова Г.Р. чыгарылыш төркемгә йөрүче балаларның мәктәпкә әзерлек дәрәҗәсен тикшерү максатыннан үткәргән, диагностика  нәтиҗәләре белән таныштырды һәм һәрбер педагог үзенең еллык эшен яктырткан, чыгышлары тыңланды. 

2021 нче елның 24нче маенда Теләче 2нче балалар бакчасында “Юл хәрәкәте иминлеге” дәүләт бюджет оешмасының Саба бүлеге җитәкчесе Ягафарова Г.Н. катнашында “Игътибар-балалар!» исемле профилактик чара узды. Бу чара барышында Гүзәл Н. кечкенәләр һәм уртанчылар төркеменә йөрүче балалар белән әңгәмә  уздырды һәм юл йөрү кагыйдәләренә багышланган кызыклы мультфильмнар күрсәтте.

2021 нче елның 19 нчы маенда «Батыр» спорт комплексында Бөек Ватан сугышында Җиңүнең 76 еллыгына, Туган телләр һәм Халык бердәмлеге елына һәм Теләче районы оешуга 30 ел тулуга багышланган шахмат буенча «Ак ладья» район Беренчелегенең финал этабы булып узды. Ярышта мәгариф бүлеге начальнигы Н.В.Карпова, башкарма комитет җитәкчесе И.Х. Хәмидуллин катнашты. Безнең  Теләче 2нче балалар бакчасыннан беренчелектә мәктәпкә әзерлек төркеменнән 6 бала катнашты, шуларның икесе- Ганиева Д. Һәм Киямов Б. беренче, ә Сахабиев И. 3нче призлы урын яулады. Балалар бакчалары арасындагы, шахмат турнирының гомуми нәтиҗә буенча, бездә тәрбияләнүче балалар лаеклы беренче урынга чыгып, грамота белән бүләкләнделәр.

Безнең Теләче 2нче балалар бакчасы тәрбиячесе Хәбибуллина Э.М., балаларны юл йөрү кагыйдәләрен үтәргә өйрәтү максатында, татар телендә иҗат итә торган яшь шагыйрьләр һәм язучылар арасында «Яшел сигналга сәяхәт» иҗади конкурсында катнашып, финалист Дипломына ия булды. Ул бәйгедә  бакча яшендәге балалар өчен иҗат ителгән " Яш җәяүленең дуслары" әкиятен тәкъдим итте. Әлеге бәйге Татарстанның «Тормыш иминлеге фәнни үзәге» дәүләт бюджет учреждениесе тарафыннан оештырылган иде. Коллегабызны  котлыйбыз һәм иҗади уңышлар телибез!

23 нче апрель көнне Теләченең 2 нче балалар бакчасында татар халкының бөек шагыйре Габдулла Тукайга багышланган бәйрәм булып узды. 

Теләче 2нче балалар бакчасында бөек татар шагыйре Г.Тукай иҗатына багышланган атналык дәвам итә. Буген бу атналык кысаларында кечкенә төркемгә йөрүче балалар тәрбияче Хәбибуллна Э.М. “Су анасына бүләккә” татар милли орнаментлары белән “алтын тараклар” бизәделәр. Шөгыль азагында балалар, үзләренә кунак булып килгән, Су анасына  ул таракларны бүләк иттеләр.

Обучение детей правилам дорожного движения и профилактика детского дорожно-транспортного травматизма – неотъемлемая часть воспитательно-образовательного процесса в Тюлячинском детском саду №2