Бүген - 5 августта Халыкара светофор көне билгеләп үтелә. 1914 елның 5 августында Американың Кливленд шәһәрендә заманча светофорларның иң беренче моделе уйлап табылган. Ул кызыл һәм яшел төсле яктырткычлардан торган. Утын сүндереп яндырган вакытта сигнал биргән.

  Теләче районында ГТО нормалары тапшыру буенча чаралар башланып китте. Теләче 2нче балалар бакчасының иң актив һәм спорт сөюче хезмәткәрләре дә безнең район өчен масштаблы әлеге спорт вакыйгасыннан читтә кала алмады. Катнашучылар кыска дистанциягә йөгерү, урыннан озынлыкка сикерү, сыгылмалык күнегүләру, пресс өчен күнегүләр тапшырдылар. Барлык хезмәткәрләр дә үзләренең яшь категориясен исәпкә алып, нормативларны уңышлы үтәделәр.

 Аларның барысын да ГТО нормаларын уңышлы тапшырулары белән котлыйбыз!

2020 елның 30 июлендә Теләче  2нче балалар бакчасында яңа уку елына кабул итү комиссиясе булып китте. Кабул итү комиссиясе игътибар белән балалар бакчасындагы барлык бүлмәләрнең һәм тышкы тирәлекнең торышын тикшерде, балалар бакчасында үтәлергә тиешле куркынычсызлыгы кагыйдәләренең үтәлешенә аеруча игътибар бирде.

  Җәйге чорда балаларның ялын күңеллерәк уздыру максатыннан, Теләче 2нче балалар бакчасы педагоглары саф һавада төрле чаралар уздыралар. 27нче июльдә «Сабын куыклары бәйрәме» оештырылды. Сабын куыкларын күпертү – балалар өчен иң күңелле күңел ачуларының берсе. Балалар сыбын куыклары очырып уйнадылар һәм аларның матурлыгына һәм үзенчәлеклегенә сокландылыр. Сабыйлар бәйрәмнән бик канәгать калдылар. Чөнки бу алар өчен кечкенә генә тылсым.

Бүген, 8нче июль өнне, Теләче 2нче балалар бакчасында "Ромашка белән гаилә, мәхәббәт һәм тугрылык көне" дип исемләнгән музыкаль бәйрәм үткәрелде. Балалар өчен төрле кызыклы конкурслар, уеннар оештырылды. Уеннардан тыш балалар җырладылар, биеделәр, шигырьләр сөйләделәр, бик күңелле ял иттеләр.

8 июль Бөтенроссия гаилә, мәхәббәт һәм тугрылык көне буларак билгеләп үтелә. Ул мәхәббәт һәм тугрылык бәйрәме дип атала. Бу матур бәйрәм алдыннан, Теләче 2 нче балалар бакчасының зурлар төркеменә йөрүче балалар «Мин сиңа ромашка бүләк итәм» акциясендә катнаштылар. 

    Бала үсешендә барлык төр уеннарның роле бик зур. Алар фикерләүне, җитезлекне, зирәклекне, чыдамлыкны үстерүгә ярдәм итәләр, балаларның физик сәламәтлеген ныгыталар.

  Теләче 2нче балалар бакчасының зурлар һәм мәктәпкә әзерлек төркемнәренә йөрүче балалар җәй айларында саф һавада мавыктыргыч уеннар уйныйлар һәм күп хәрәкәт итәләр. Хәрәкәтләнү аларга төрле күнекмәләрне үзләштергә, мускулларын ныгытырга, яшәү тонусын арттырга ярдәм итә. Барлык балаларга да җылы җәйге көндә йөрергә ошый. Уеннардан соң балага бераз арыганлык та файдалы, ул организмга физик һәм акыл йөкләнешләренә җайлашырга ярдәм итә, эшкә сәләтлелекне арттыра. Сабыйларга саф һава кирәк һәм ул файдалы!