6 нчы класс укучысы Гарифуллина Айзилә Сарман һәм Мөслим районы хәрби комиссариаты уздырган “Батырлык урыны – Афганистан” конкурсында катнашып, грамота белән бүләкләнде.

Чаңгы ярышында призлы урын алган укучылар грамоталар белән бүләкләнделәр.

Бүген, 17 нче февраль көнне мәктәбебездә татар теле һәм әдәбияты атналыгы башланып китте. Иртәнге линейкада атналыкның планы аңлатылды һәм Муса Җәлил иҗатына багышланган балалар иртәсе узды. Анда Гильманова В. М. җитәкчелегендә 3 нче класс укучылары чыгыш ясады.

Бүген, 15нче февраль, совет гаскәрләре Әфганстаннан тулысынча чыгарылган көн.

Районда Әфганстанда булган 78 сугышчы – интернациолист яши. Шуларның 5 се безнең мәктәпне тәмамлаган.

Батырлык дәресенә Әфганстанда хезмәт иткән Солтанов Рафисны, Чечня гарасатын күргән Хисамиев Фирдәвесне чакырдык. Алар үзләренең истәлекләре белән уртаклаштылар.

Сегодня, 15 февраля, провели пробный ГИА для 9 класса по русскому языку и пробный ЕГЭ для 11 класса по математике.

15 нче февраль көнне мәктәбебездә Муса Җәлил призына чаңгы ярышлары узды.

Бүген “Йолдызлык" отрядында варислар җыены булды. “Очкын” һәм “Ялкын” чылбырлары үзара көч сынаштылар. Бәйге барышында дуслык җиңде.

“Сәламәт балалар - сәламәт гаиләдә” дәресен мәктәбебезгә  практикага кайткан Якупов  Рәмис абыйлары 5 нче класс белән уздырды.

“Сәламәт балалар - сәламәт гаиләдә” дәресе безнең мәктәптә бүген дә дәвам итте.10 нчы класс укучылары 5-11 нче класслар өчен, дәрес – конференция уздырдылар.Алар һәрберсе сәламәт яшәү рәвешенә чакырып, чыгышлар әзерләгәннәр иде.

Бүген, ягъни 10 нчы февраль көнне, “Сәламәт балалар – сәламәт гаиләдә” темасына дәрес уздырдык. Дәрескә спортны яратучы, кечкенәдән гер күтәрү остасы, бүгенге көндә чаңгы спортына өстенлек биреп, улы белән  бергә шогыльләнүче Фәрхетдинов Илшат Илгиз улын чакырдык. Ул үзенең кайчаннан спорт белән шогыльләнә башлавы, спортның тормыштагы роле, укучыларга спортны ярату өчен нишләргә кирәклеге турында сөйләде.