23 нче апрель көнне Иске Минзәләбаш мәдәният йортында “Балкыш” I район фестивале узды. Ветеран укытучылар белән бергә Иске Минзәләбаш урта мәктәбе укытучылары да чыгыш ясады.

Учащиеся нашей школы получили диплом и сертификаты Всероссийского дистанционного конкурса по русскому языку проекта “Инфоурок”

19 нчы апрель көнне барлык укучылар, укытучылар, хезмәткәрләр өмәгә чыкты. Мәктәп территориясен җыештыруны дәвам иттек.

Бүген безнең мәктәптә V – VIII класс укучылары белән “Без җирле үзидарә турында нәрсә беләбез?” дигән темага класс сәгатьләре , ә IX – XI класс укучылары белән “Әгәр мин депутат булсам” дигән түгәрәк өстәл артында әңгәмә узды. Анда җирле үзидарә советы депутаты Шаяхметов Ф.Г. та катнашты.

Мәктәптә “Дети рисуют страну” дигән рәсем конкурсы булды.

Башлангыч класс укучылары конкурста бик теләп катнаштылар.

12 апрель – Космонавтика көненә багышланган балалар иртәсе узды. Физика укытучысы Зарипова Гөлнара Маратовна җитәкчелегендә 10 нчы класс укучылары презентация әзерләп, укучылар алдында чыгыш ясадылар. Презентация кызыклы мәгълүматларга бай иде. 

11 нче апрель көнне 2-8 нче класс укучылары “Зирәк тиен” конкурсы биремнәрен үтәделәр.

10 нчы апрель көнне ”Сынаулар вакытында баларга ничек ярдәм итәргә?” дигән тема астында ата- аналар җыелышы узды. Илһамова Җ. Ф., Ямалиева Ф.В., Кызрачева Н.М.ларның чыгышлары тыңланды. Информатика укытучысы Зарипова Г.М.  “IT-чемпион” конкурсы шартларын тагын бер кат аңлатып китте.

Авылыбызның ФАП мөдире 20 нче апрельдән 27 нче апрельгә кадәр уздырылачак “Тормыштан артта калмагыз” дигән атналык белән таныштырды.

Линейкада “Русский медвежонок”, “Бульдог” конкурсларында катнашкан укучыларга сертификатлар, “Җырлы балачак илендә” V нче район бәйгесенең хореография жанры буенча конкурсында катнашкан укучыларга I нче һәм II нче дәрәҗә лауреаты дипломнары тапшырылды.

3 нче апрель көнне Сарман аграр көллияте студентлары концерты булды. Концерт программасы бик бай эчтәлекле итеп әзерләнгән. Программада көллиятнең эше, студентларның тормышы, укуы һәм шөгеле турында күп мәгълүмат бирелде. Студентларның чыгышы авыл халкына, укучыларыбызга бик ошады.