26 нчы апрель “Агач утырту көне” акциясе уңаеннан Иске Минзәләбаш урта мәктәбендә урта сыйныф укучылары көче белән мәктәп яны тәҗрибә участогында көздән әзерләнгән яшь карлыган үсентеләре күчереп утыртылды. Югары класс укучылары Ахметсафин Фирдәвес җитәкчелегендә “Каравыл тау” башына яшь нарат үсентеләре утырттылар.

26 нчы апрель иртәсе Иске Минзәләбаш урта мәктәбендә татар халкының бөек шагыйре Габдулла Тукайның 128 еллыгына багышланды. Гильфанова Фәнүсә Мәгъсүмҗан кызы җитәкчелегендәге 2 нче класс укучылары бөек шагыйрьнең шигырьләрен һәм җырларын башкардылар.

25 нче апрель көнне Иске Минзәләбаш урта мәктәбенә ветеран укытучы Мухаметзянова Әлфия Әнвәр кызын чакырдык. Ул укучылар белән “Яхшылык җирдә ятмый” темасына әңгәмә уздырды.

«Язгы игелеклелек атнасы»нда тимурчылык эшебезне дәвам иттек. Табигать тә безгә эш әзерләде. Иске Минзәләбаш урта мәктәбенең 6 нчы класс укучылары Сирина әбигә барып, йорт эшләрендә булышып кайттылар.

23 нче апрель көнне Иске Минзәләбаш мәдәният йортында “Балкыш” I район фестивале узды. Ветеран укытучылар белән бергә Иске Минзәләбаш урта мәктәбе укытучылары да чыгыш ясады.

Учащиеся нашей школы получили диплом и сертификаты Всероссийского дистанционного конкурса по русскому языку проекта “Инфоурок”

19 нчы апрель көнне барлык укучылар, укытучылар, хезмәткәрләр өмәгә чыкты. Мәктәп территориясен җыештыруны дәвам иттек.

Бүген безнең мәктәптә V – VIII класс укучылары белән “Без җирле үзидарә турында нәрсә беләбез?” дигән темага класс сәгатьләре , ә IX – XI класс укучылары белән “Әгәр мин депутат булсам” дигән түгәрәк өстәл артында әңгәмә узды. Анда җирле үзидарә советы депутаты Шаяхметов Ф.Г. та катнашты.

Мәктәптә “Дети рисуют страну” дигән рәсем конкурсы булды.

Башлангыч класс укучылары конкурста бик теләп катнаштылар.

12 апрель – Космонавтика көненә багышланган балалар иртәсе узды. Физика укытучысы Зарипова Гөлнара Маратовна җитәкчелегендә 10 нчы класс укучылары презентация әзерләп, укучылар алдында чыгыш ясадылар. Презентация кызыклы мәгълүматларга бай иде.