Линейкада “Русский медвежонок”, “Бульдог” конкурсларында катнашкан укучыларга сертификатлар, “Җырлы балачак илендә” V нче район бәйгесенең хореография жанры буенча конкурсында катнашкан укучыларга I нче һәм II нче дәрәҗә лауреаты дипломнары тапшырылды.

3 нче апрель көнне Сарман аграр көллияте студентлары концерты булды. Концерт программасы бик бай эчтәлекле итеп әзерләнгән. Программада көллиятнең эше, студентларның тормышы, укуы һәм шөгеле турында күп мәгълүмат бирелде. Студентларның чыгышы авыл халкына, укучыларыбызга бик ошады.

21 нче март көнне Башкортстан республикасы Нефтекамск шәһәреннән килгән фокусчы, иллюзианистлар чыгышын карадык. Тамаша укучыларга бик ошады.

Наш отряд профилактики правонарушений «Надежда» занял 2 место на зональном этапе муниципального конкурса «Знаешь ли ты закон?»

Инглиз теле атналыгында 5 нче класс укучылары башлангычлар өчен “Инопланетянин һәм аның дуслары” дигән тамаша күрсәттеләр.

Мәктәбебездә ремонт эшләре бара. Хәзерге вакытта тәрәзәләрне алыштыра башладылар. Мәктәптәге эш олысына да, кечесенә дә җитәрлек.

13 нче март көнне мәктәптә 9, 10 һәм 11 нче класс укучылары катнашында, тарих укытучысы Сираева Таңсылу Рамилевна оештырган “Бабайлар тәҗрибәсен бәяләмичә булмый” дигән КВН узды. КВНда катнашкан укучыларның сугыш темасын бик яхшы белүләре мәктәптәге башка укучыларны да сокландырды, алар үзләренә дөрес нәтиҗә ясаганнардыр дип ышанып каласы килә.

Мәктәптә ремонт кызганнан - кыза бара. Түбә эшләре кызу темплар белән башкарыла, түбә күзгә күренеп матурлана бара. Мәктәп яныннан узган барлык кеше сокланып китә.

Бүген линейкада укучыларга инглиз теле һәм тарих атналыгы башлану турында игълан иттек. Атналыкның программасы белән таныштырдык.

Бүген, 6 нчы март көнне, Иске Минзәләбаш мәктәбендә башлангыч класс укучылары мәктәптә эшләүче хатын-кызларны һәм укучы кызларны якынлашып килүче язның беренче бәйрәме - хатын-кызлар көне белән котлап, концерт оештырдылар. Кечкенә балаларның иң якын кешеләренә – әниләренә багышланган җырлары һәм шигырьләре һәркемнең күңеленә хуш килде.