Бүген мәктәбебездә Корбан ашы үткәрелде.  Авылыбызның имамы Рәмис Хаҗиров укучыларга, тәрбия гамәлләрен үз эченә алган вәгазьләр сөйләде. 

Һәр көнне игелекләр кылып яшик!

Педагог оештыручы Гиниятуллина И.И. 5-7 сыйныфлар өчен мәрхәмәтлелек дәресе үткәрде. Укучылар бу чарада бик теләп катнаштылар, үз фикерләрен белдерделәр.

9 сентябрь көнне гриппка каршы профилактика үткәрү максатыннан, әти-әниләр җыелышы булып үтте. Авылыбыз фельдшеры Нуриева З.Ф. грипптан саклану чаралары буенча чыгыш ясады.

"Экстремизмга ЮК!" атналыгы уңаеннан мәктәбебездә эвакуация буенча өйрәнү күнегүләре булып үтте. Укучылар, укытучылар һәм техник хезмәткәрләр  янгын килеп чыкканда, гадәттән тыш хәлләр килеп чыккан очракта нинди кагыйдәләр зарурлыгын кабатлап, янә бер тапкыр исләренә төшерделәр.

Балалар куркынычсызлыгы айлыгы уңаеннан, тормыш иминлеге укытучысы Биктимиров А.Г. 1сыйныф укучыларына  юл йөрү кагыйдәләрен аңлатты. Укучылар мәктәпкә килгәндә, кайтканда һәм башка урыннарда юл йөрү кагыйдәләрен төгәл үтәргә сүз бирделәр.

 “Балалар куркынычсызлыгы” айлыгы дәвам итә. 5 сентябрь көнне мәктәбебездә балигъ булмаганнар эше буенча инспектор Сибагатов Айгиз Әнәсович һәм юл хәрәкәте инспекциясе хезмәткәре укучылар белән әңгәмә үткәрделәр. Юл йөрү кагыйдәләре, кич чыгу вакыты, укучылар тәртибе ныгытып аңлатылды.

Тимершык урта мәктәбенең 20 укучысы 2 укытучы җитәкчелегендә 28 нче августтан 31 нче августка кадәр Мәскәү шәһәрендә экскурсиядә булып кайттылар.

Дәүләтебез тарафыннан оештырылган "Моя Россия" проекты кысаларында "Золотое кольцо" дип исемләнгән һәм үз эченә Россия Федерациясенең берничә шәһәрен берләштергән әлеге экскурсия мавыктыргыч һәм эчтәлекле булды. Мәскәү, Ярославль, Переславль, Ростов Великий, Сергиев Посад кебек шәһәрләрнең бай эчтәлекле тарихы белән таныштылар. Бөек язучыларыбыз Н.В.Гоголь, Л.Н.Толстой, А.С.Пушкин, М.Булгаков музейларына сәяхәт кылдылар, шәһәрләрнең тарихи урыннарында булдылар. Әлеге сәяхәттән үзләренең рухи һәм мәдәни дөньяларын баетып кайттылар.

Сәяхәттән алган тәэсирләр күңелләрдә озак сакланыр.

Туган илебезнең бай тарихын шушындый проектлар аша таныштырган өчен хөкүмәтебезгә зур рәхмәтләребезне җиткерәбез. Алга таба да мавыктыргыч экскурсияләр булыр дип көтеп калабыз.

“Экстремизмга – юк!”  айлыгы уңаеннан мәктәптә 2 сентябрь  көнне сыйныф сәгатьләре  узды. Укучылар белән әңгәмә барышында “терроризм “ сүзенә басым ясадылар, аңлатып үттеләр.  Беслан мәктәбендә террорчылык актында һәлак булучылар искә алынды. Куркынычсызлыкны тәэмин итү максатыннан, һәрвакыт игътибарлы булырга кушылды.

Сентябрь, сентябрь! Килеп тә җитте.

Алтын-сары яфрак белән бизәде көзне.

Гел бишкә генә укырга өндәде безне.

Сыйныф сәгатьләре "Без Татарстан командасында" темасына багышланды. Укучылар сәламәт яшәү рәвеше Һәм ГТО юнәлеше турында файдалы мәгълүмат алдылар.