31 октябрь көнне Миңгәр авылында урнашкан Шәүкәт Биктемиров исемендәге музейга бару истәлекле вакыйга булды. Музей җитәкчесе Ләйсән Заһировнага рәхмәтебезне җиткерәбез.

30 октябрь көнне мәктәбебезнең 8 нче сыйныф укучылары Дәүлиев Әлфис, Нәҗипова Илзидә, Шамилова Инзилә "Тамчы-шоу" тапшыруында  катнашып җиңү бәхетенә ирештеләр. "Саба йолдызлары" командасы  Башкортстан районыннан килгән "Дуслык" командасы белән көч сынашты. Катнашкан укучыларга һәм аларның әти-әниләренә мәктәп дирекциясе исеменнән рәхмәтләребезне җиткерәбез. Алга таба да уңышлар теләп калабыз.

Әлеге чара "Тимершык мәктәбе телевидениесе" аша турыдан-туры эфирда барды.  "Көлеп алыйк", "Танцы", "Җырлыйк әле", "Башваткыч" тапшырулары һәркемнең күңеленә хуш килде.

28 октябрь көнне 5-7 сыйныф укучылары катнашында "Көз патшасы" исеме астында КВН булды. Укучылар төрле яклап көч сынаштылар: кызыклы сорауларга җавап бирделәр, скетчлар куйдылар, мода күрсәттелләр. 1 урынга-6 сыйныф, 2 урынга-5 сыйныф, 3 урынга-7 сыйныфлар лаек дип табылды. 

1-4 сыйныфлар өчен көз бәйрәме "Сөмбелә" исеме астында үтте. Укучылар бик күңелле ял иттеләр. Бәйрәм уеннар белән үрелеп барды. Һәр катнашучыга кечкенә генә булса да,  бүләк тә тапшырылды.

15 нче октябрь көнне районыбызда  укытучыларның җәйге спартакиадасы үтте.Саба районы командасы беренче урынга лаек булды.Район командасы составында мәктәбебезнең физик тәрбия һәм ТИН дәресләре укытучысы Альберт  Гыйлмуллович катнашып, гер күтәрү буенча 1 нче урынны яулады. Чын куңелдән котлыйбыз, алга таба да зур уңышлар, яңадан-яңа җиңүләр телибез.

Укытучылар бәйрәме уңаеннан  район мәдәният йортында үткәрелгән бәйрәм кичәсендә безнең мәктәбебезнең башлангыч сыйныфлар укытучысы Гарифуллина М.М. Мәгариф идарәсенең Мактау Грамотасы белән бүләкләнде.  Марсилә Миннәхметовнаны котлыйбыз. Алга таба да эшендә уңышлар теләп калабыз.

6 октябрь - Укытучылар һәм өлкәннәр көне уңаеннан, 9 сыйныф укучылары әдәби-музыкаль кичә оештырдылар. Бәйрәм матур шигырьләр, укучыларның биюләре һәм котлаулары белән үрелеп барды.

Бу бәйрәмне оештырган укучыларга,  аларның сыйныф җитәкчеләре Зилә Башировна һәм Рузинә Яватовнага олы рәхмәтләребезне җиткерәбез.

Бүген укытучылар көне. Дума укучылары, укытучыларны бәйрәм белән котлап ишек төбендә үк каршы алдылар. Сюрприз моментлары да әзерләгәннәр иде. 

Хөрмәтле укытучыларыбыз! Сезне һөнәри бәйрәмегез белән чын күңелдән котлыйбыз. Авыр, әмма җаваплы һәм мактаулы эшегездә  зур уңышлар, саулык-сәламәтлек, бәхет-шатлык, озын гомер телибез.