Лагерьның соңгы көнендә,  укучылар Кыш бабайның исемләп язып куелган бүләкләрен эзләделәр. Бүләкләр төрле каршылыкларны җиңеп кенә табылды. Укучылар бар яктан Кыш бабайга сәләтләрен күрсәттеләр, бүләкләр укучыларга бик ошады. 

Бүген, Кыш бабай белән чыршы янында уеннар, Кар әбинең кызыклы биюләре, лоторея уены, лагерьда йөрүче укучыларның бәйрәм кәефен тагын да күтәрде. Укучылар юл йөрү кагыйдәләрен дә искә төшерделәр.

Лагерьга йөрүче укучылар көнне спортка багышлады. Саф һавада спорт уеннары, "Кышкы уеннар" темасына рәсем конкурсы укучыларның сәләтләрен ачыкларга ярдәм итте.

Яңа ел килә, яңа ел

Яңа елны көтәбез.

Барыбыз да яңа елдан,

Бәхет өмет итәбез. 

Бүген мәктәптә укучылар, әти-әниләр, укытучылар, спонсорлар катнашында күңелле яңа ел киче үтте.

Лагерьда бүген яңа елның, тычкан елына туры килгәненә зур игътибар бирелде. Укучылар тычкан киемнәре киеп биеделәр, күн тукымадан "тычкан" брелогы ясадылар. Тычканнар, күселәр турында күп мәгълүмат таптылар. Саф һавада "Песи - тычкан" уены уйнадылар. Бүгенге көн бик күңелле булды.

Бүген укучылар күп төрле һөнәрләргә өйрәнделәр: кулланган савытлардан кошларга җимлекләр ясадылар, "Кыш бабай остаханәсе"ндә матур кар бөртекләре ясадылар.  "Кышкы могҗиза" дигән газета чыгардылар. Гомумән, көн бик файдалы үтте.

Лагерьга йөрүче укучылар бүген, Лесхоз дендралогия бакчасына сәяхәткә бардылар. Шулай ук урман музеенда булдылар. Сәяхәт укучыларга бик ошады, истә калырлык булды.

Мәктәптә бүген "Кыңгырау" кышкы ял һәм сәламәтләндерү лагеры эшли башлады. Укучылар командага "Телепузиклар" исеме алдылар. "Тылсымлы кыңгырау яки Кыш бабай бүләге" темасы астында төрле кул эшләре, рәсемнәр ясадылар. Тау битеннән чана шудылар.

Быел кар аз булса да, әти-әниләр ярдәме белән "Кар бабайлар парады" ясалды, һәм район буенча мәктәбебез кызыксындыру бүләгенә лаек булды. Молодцы!

3-9 декабрь аралыгында  "Коррупциягә-юк!" акциясе үтте. Шул уңайдан, 1-9 классларда ачык тәрбия дәресләре үткәрелде, буклетлар таратылды, плакатлар эшләнде. Укучыларга коррупциянең начар гамәл икәне аңлатылды.