28 февральдә Ә.Кәримуллин исемендәге укучыларның I Республика фәнни-гамәли конференциясендә мәктәбебездән өч укучы катнашты. 9 класс укучысы Исхакова Динә тарих секциясендә (җит.Хәбирҗанова Р.И.), 10 класс укучысы Фазылова Флүзә татар әдәбияты секциясендә (җит.Зәйнәгыева З.Ф.) катнашып, Мәгариф һәм Фән Министрлыгының дипломы белән бүләкләнделәр. Ә 11 класс укучысы Ханнанова Алинә рус әдәбияты секциясендә(җит. Давыдвоа Т.А.) чыгыш ясап Мәгариф һәм Фән Министрлыгының III дәрәҗәдәге дипломына ия булды.

"Бер күрешү-бер гомер" ди халык мәкале. 28 февраль көнне мәктәптә узган танылган драматург Данил Салихов белән очрашу бу мәкальнең дөреслеген раслый. Данил Хабибрахманович сәнгатьле, мавыктыргыч сөйләме белән укучыларны үзенә җәлеп итте, моңлы тавышы белән җырлап күрсәтте. Укучылар драматургтан кызыксындырган сорауларына җавап алдылар.

Бүген, 28 нче февраль, көнне 8 нче клаасста (кл. җитәкчесе Габдулхакова М.Р.)"Ягез әле, егетләр!" бәйгесе үтте. Кызлар егетләргә  сынаулар әзерләгәннәр иде. Егетләргә төрле сынаулар аша үтәргә туры килде, мәсәлән, хәрефләрдән мәкальләр төзү, төрле сорауларга җавап бирү, конструктор сүтеп-җыю һ.б. Җиңүче итеп "Иң уңган егет" исеменә Назиров Ленар лаек булды. Калган егетләргә дә кызлар төрле исемдәге  медальләр тапшырдылар. Бәйге бик күңелле үтте.

25 февраль көнне мәктәптә "Аҗаган-2012" уены үткәрелде. Һәр класс зур әзерлек белән маршировка күрсәтте. Укучылар "Аргамак" һәм "Бөркет" командаларына бүленеп көч сынаштылар: автомат сүтеп җыйдылар, турникта тартылдылар, автоматтан аттылар, эстафета уеннарында катнаштылар. Соңыннан ике команда да байрак эзләде. Байракны беренче булып "Аргамак" командасы тапты һәм җиңүче булды.

Бүген, 27 февраль көнне, татар әдәбияты дәресендә 5 нче сыйныф укучылары(укытучылары Хәбирҗанова Р.И.) М. Җәлилнең "Кызыл ромашка" шигыренә инсценировка күрсәттеләр.

Армия-ир-егетнең тормыш юлында очраган иң беренче зур сынауларның берсе. Армия чоры хатирәләре белән уртаклашу өчен, ил каршында хәрби бурычын үтәп кайткан авылыбыз егетләрен өлкән класс укучылары (җит.Гатиятов Р.Р.) очрашуга дәште.

        Хусаенов Данир (10 кл) -III урын

        Исхакова Динә (9 кл) -II урын

        Ваесова Гөлдания (8 кл) -III урын

Татар егете... Бу исемдә

Күпме талсым, күпме сер.

Батыр бу кыю егеткә

Сокланып син бакчы бер.

24 февраль көнне 3-4 класс егетләре өчен "Татар егете" бәйгесе үткәрелде. Малайлар "Мин-татар егете", "Хәрәкәттә-бәрәкәт", "Күңелләрдә иман нуры" бәйгеләрендә көч сынаштылар. Катнашучылар бәйгедә сынатмадылар. Ә " Татар егете" исеменә 3 класс укучысы Зиннатов Айзат лаек булды.

Бүген, 22нче февраль, класс сәгатендә 8 нче класс укучылары (кл. җитәкчесе Габдулхакова М.Р.) "Они сражались за Родину" дигән фильм карадылар. Бу фильм укучыларда зур тәэсир калдырды.