Берләшкән Милләтләр оешмасы (БМО) карары буенча 21 нче февраль Халыкара туган тел көне буларак билгеләп үтелә.
1999 нчы елның ноябрендә, Бангладеш дәүләте тәкъдиме белән, ЮНЕСКО Генераль конференциясе, ЮНЕСКОга кергән илләр һәм Берләшкән Милләтләр оешмасы 21 февраль көнен Туган тел көне дип игълан итте. Беренче мәртәбә ул 2000 нче елның 21 февралендә Парижда ЮНЕСКО штаб-квартирасында тантаналы рәвештә билгеләп үтелде.
Ни өчен Халыкара туган тел көне итеп 21 февраль билгеләнгән сон? Эш шунда: 1952 нче елның 21 февралендә Пакыстанда банглы теленә дәүләт теле статусы таләп итеп көрәшкән 5 студент үтерелгән була. Билгеле булганча, Пакыстанның көнчыгыш өлеше соңрак Бангладеш бәйсез дәүләтенә әйләнә.
ЮНЕСКО Халыкара Туган тел көнен билгеләп үтүне хуплап чыга. Чөнки бу оешма дөнья халыкларының матди булмаган мирасын саклау өчен көрәшә, традицион яисә халык музыкасын, биюләрен, гореф-гадәт һәм йолаларны, авыз иҗатын һәм җирле халыкларның туган телләрен саклап калу буенча зур эшчәнлек алып бара.

19 нчы февральдә Казан (Идел буе) Федераль университетының Филология һәм Сәнгать институтында Ачык ишекләр көне үткәрелде. Безнең лицейдан да укучылар катнашты: 8в сыйныфыннан Арсланова Лилия (укытучысы Мулласалихова Г.Г.), 10 а  дан Шәйхетдинова Алинә (укытучысы Галимова Л.В.), 10в сыйныф укучысы Гарифуллина Алсу (укытучысы Хәева Д.И.). Укучылар өчен бу көн истә калырлык булды, алар галимнәр, язучылар  белән очраштылар, студентларның чыгышларын карадылар. “Мин татарча сөйләшәм” бәйгесендә катнашкан бу укучыларга сертификатлар, аларны әзерләгән укытучыларга Рәхмәт хатлары тапшырылды.

В субботу 18.02.2012 прошли районные лыжные соревнования между школами в Сабах. В эстафете команду Шеморданского лицея представляли директор лицея Р.А.Вафин,  учителя Д.М.Валиуллин, Л.А.Шайхова, А.И.Каримова. Наша команда заняла 2 место. Победители получили грамоты и призы. Поздравляем!

 Хәрби- патриотик тәрбия айлыгы дәвам итә. Башлангыч сыйныф укучылары арасында рәсем конкурсы үткәрелде. Ул 23 нче февраль - Ватанны саклаучылар көненә багышланды. Укучылар әлеге конкурска бик теләп катнаштылар. Рәсемнәргә ясау осталыгы һәм эчтәлеге буенча  нәтиҗә ясалды.

Балалар иҗат үзәгенең еллык планы нигезендә 17 февраль көнне “Иң шәп әйдаман” (“Замечательный вожатый”) республикакүләм конкурсының район сайлап алу этабы үтте.  Әлеге конкурста Шәмәрдән мәктәбеннән 7г сыйныф укучысы Нургалиева Айгөл чыгыш ясады. Чыгыш ясаганда аңа 7г сыйныфы укучылары ярдәм иттеләр һәм район күләмендә 3че урынны алдылар. Без аларга укуларында зур уңышлар телибез!

Хәрби - патриотик айлыгы дәвамында “Илне саклау- безнең бурычыбыз” темасына сочинениеләр конкурсы үткәрелде. Анда 5-11нче класс укучылары катнашты. Бик матур эчтәлекле сочинениеләр язылды.

15 февральдә татар халкының бөек шагыйре Муса Җәлилнең  туган көне булды. Шул уңайдан,  лицеебызның башлангыч сыйныф укучылары  арасында татар теле укытучылары (Курбанова Л.Ф., Мустафина А.А.,Байкова А.Р.) тарафыннан Муса Җәлилгә багышланган атналык уздырылды. Муса Җәлилнең тормыш юлын чагылдырып газета чыгарылды, викторина үткәрелде. Шагыйрьнең шигырьләренә карата рәсемнәр конкурсы үткәрелде, сочинениеләр язылды. 4в сыйныф укучылары белән “Муса Җәлил – балаларның дусты” дип исемләнгән кичә уздырылачак. (Курбанова Л.Ф.,Закирова Г.И.)

11 нче февральдә  Казан шәһәрендә күренекле мәгърифәтче галим Ибраһим Хәлфин исемендәге төбәкара фәнни-гамәли конференция үткәрелде. Шәмәрдән лицееның 8в сыйныфы укучылары Исмәгыйлева Айсинә, Фәхретдинова Гөлшат (укытучы: Мулласалихова Г.Г.) тел һәм әдәбият секцияләрендә уңышлы чыгыш ясап, Мактау грамоталарына лаек булдылар. Бу укучылар зур аудитория алдында үзләренең белемле булуларын тагын бер кат  расладылар. 

Шәмәрдән мәдәният йорты сәхнәсендә  “Хезмәтемдә юлдаш, җыр һәм бию, Тормышымда юлдаш моңлы көй” исеме астында  оешма-предприятияләрнең иҗат – отчет концертларына старт бирелде. Хезмәт кешесе эштән соң күңелле ял итәргә дә вакыт таба. Концерт- тамашалар мәдәният йорты сәхнәләрендә атна саен булса да тамаша залында алма төшәрлек тә урын юк. Тамашачы һәр чыгышны көчле алкышлар белән көтеп ала, озатып кала.

  Шәмәрдән лицее коллективының ”Яшисең килеп яшә!” исеме астында иҗат – отчет концерты башланды. Укытучы халкы БДИ, ГИА, конкурсларга әзерләнү, дәрес планнары язу, дәфтәр тикшерү, һәм башка бик күп төрле вак- төяк мәшәкатьләр дөньясында яшәсә дә, сәхнәдә чыгыш ясарга да вакыт таба. Иҗат- отчет концертыннан бер укытучы да читтә калмады. Кемдер үз номерларын, костюмнарын әзерләсә, калганнар фойеда күргәзмә янында кайнаша, сәхнә бизәлеше өчен  дә җаваплылар бар.Мәдәният йортына килеп керүгә белем бирергә генә түгел, кул эшләренә дә өлгерә бу укытучылар дип сокланасың, тел шартлатасың.

    Күптән көтелгән мизгелләр, концерт башланды. Сәхнә түрендә нәфис сүз осталары Вафина Зилия һәм Нияз Масгутов остазларына хәер- фатыйха бирделәр.Җырчылар- Хамзина Алия, Валиева Лариса,Галиуллина Энҗе,  Каримова Альбина, Мингазова Нурсия,  Зарипова Сиринә,  Мавлекаева  Зөлфия, Гөлназ һәм Рамил Байгузиннар  моңлы һәм матур җырларын сузалар.Татар, белорус, һинд һ.б. милләт биюләрен дә бик оста башкарды укытучылар. Сәхнәдә тормышның кызыклы мизгелләре, телевизион тапшырулар- КВН, “Әйдәгез, кавышабыз”, “Мунча ташы” тапшырулары да күрсәтелде. Бүгенге мәктәп, укучылар, укытучылар тормышыннан уңай һәм кимчелекле якларны да бик оста үзенчәлекле башкарды укытучылар.

       15 февраль- сугышчан интернационалистлар көне дә искә алынды бу чыгышта.  Шәмәрдән авыл җирлеге башлыгы Гараев Айдар Наил улы Әфганчыларны котлаганнан соң, Мингазова Нурсиянең моңлы  “ Кыр казлары” җыры бәйрәм сәламе булып яңгырады.

   Алып баручылар Вафина Зилия һәм Нияз Масгутов, Маметов Азат, Байкова Адилә, Шакирова Альфираларның эчтәлекле һәм күңелгә үтәрлек тавышлары барлык тамашачыларның колакларын иркәләде. Концерттан лицейның бер кешесе дә читтә калмаганы күренә, чәнки сәхнәдә техник хезмәткәрләр дә, элекке укучылар да үз осталыкларын күрсәттеләр.

   Уен- көлке, җыр һәм бию, кызыклы тамашалар белән үрелеп барган 2 сәгатьтән артык барган концертның тәмамланганы сизелмәде дә.Көчле алкышлар, зур рәхмәт  сүзләре җиткерелде чыгыш ясаучыларга. Әйе, сокланырлык итеп эшли дә, ял итә дә белә укытучы халкы. Күңелдә матур шигырь юллары туа:

      Бүгенге көнең бик матур,

      Өметле киләчәгең.

      Җыр белән хезмәтне бәйләп,

      Яши хезмәттәшләрем.