Кеше дигән бөек заттан

Җир-анабыз ярдәм көтә.

Явызлыклар, шәфкатьсезлек

Гүзәллекне һәлак итә.

2013 нче ел -Экология һәм әйләнә-тирә мохитне саклау елы. Республикабызда әлеге уңай белән бик күп чаралар уздырыла. Лицеебызда экология темасына багышланган тәрбия сәгатьләре еш үткәрелә. Табигатебезне саклыйк, киләчәк буыннарга матур килеш тапшырыйк.

 Гаилә... 5 хәрефтән генә торган шушы сүздә нинди тирән мәгънә ята. Белгәнебезчә, гаилә - һәр кешегә кирәкле җылы учак ул.Гаилә никадәр нык булса, аннан килгән җылылык та шулкадәр көчле була. Димәк, гаилә -ул иң олы таянычыбыз, иң ышанычлы сыеныр урыныбыз.Анда бер –берсен  яраткан, бер –берсе турында кайгыртучанлык күрсәткән кешеләр яши. Шәмәрдән лицеенда гаиләләре белән балаларга белем һәм тәрбия бирүче сокланырлык парлар бар. Менә алар: Сәләхиев Фидаил һәм Лилия, Рахманов Инсаф һәм Айсылулар. Бу парлар матур эшләре белән күпләргә үрнәк. Бүгенге катлаулы һәм проблемалы тормышта күп вакыт үзеңне дә күрәсе килмәгәндә, алар эштә дә, өйдә дә гел бергә. Киләчәктә алар эшен дәвам итәрлек акыллы балалар тәрбияләргә дә вакыт таба алар. Хезмәтләрендә, тормышларында уңышлар телик аларга. Тормыш ал да гөл генә бармый. Һәр очракта да, бер –береңә юл куеп, түзем һәм сабыр булып яшәгез.Бердәм, тату гаиләдә генә бәхетле тормыш кичерергә, намуслы, мәрхәмәтле, эш сөючән балалар үстерергә мөмкин. Һәр гаилә - үзе бер серле сандык. Без, кешеләр, җиргә иҗат итәр, сөяр –сөелер, гаилә корып, тәрбияле балалар үстерер өчен туганбыз.

Шәмәрдән  лицеенда   9 нчы сыйныф укучыларының   татар теленнән имтиханны  яңа  формада  тапшыру буенча әзерлек   эше  ел  башыннан   алып барыла. Мәсәлән, 9В сыйныфының  рус телле төркемендә  укучыларга     А,В, С1,С2  өлешләре    укытучылар  тарафыннан  актив  эшләтелә (укытучы Әүхәдеева А.В.).  Бу эшләрне  алга таба да туктатмаска, биремнәрне арттырырга кирәк.

14 нче май көнне татар теле укытучылары өчен ДЙА (ГИА) биремнәрен тикшерү буенча Теләчедә республика семинары үткәрелде. Мониторинг үзәгеннән килгән белгечләр чыгыш ясаганнан соң, эксперт-укытучыларга һәр төркемнең С1, С2 биремнәрен тикшерү буенча эшләр тәкъдим ителде.

Универсиадага санаулы көннәр калып бара. Башкалабызда оештыру эшләре гөрләсә, мәктәпләрдә “Универсиада-2013” дәресләре, тәрбия сәгатьләре уздырыла. Лицеебыз укучылары бүген, 15 майда, универсиада  буенча үткәрелгән дәресләрдә үзләре өчен байтак  файдалы яңалык алганнардыр дип ышанасы килә.

13,14 нче май көнне Шәмәрдән лицеенда башлангыч класслар арасында шахмат буенча мәктәп беренчелегенә турнир булып узды. (тренер Закиров Марат Раушанович). Турнирда 2-4 класслар арасында 1нче урын Хисматов Амир (2а кл.),  2нче урын Асхадуллин Искандер (2а кл),  3нче урын Шаймарданов Динар(4г), 1нче класслар арасында 1нче урын  Авхадиев Ильяс(1а кл.), 2нче урын Мухаметсабиров Нияз(1б кл.), Шарипов Рафаэль (1б кл.) алды. Молодцы,  укучылар!!!

25нче апрельдән 30нчы апрельгә кадәр Актаныш районы Актаныш авылында укучылар арасында шахмат буенча республика спартакиадасы булып  узды. Әлеге спартакиадада безнең Шәмәрдән лицее укучысы Каюмов Фәннүр (тренер Закиров Марат Раушанович) катнашты. Турнирда  9 мөмкинлектән 5,5 очко туплап, авыл, район мәктәпләре арасында 4нче урын алды.  Молодец, Фәннүр!!! Алдагы турнирларда да  сиңа  уңышлар телибез!

Быел  9нчы сыйныф укучылары алдында зур сынаулар тора. Алар имтиханнарны яңа формада бирәчәкләр. Каникулларда, май аендагы озын ялларда да консультацияләргә йөрделәр. 9в сыйныф укучылары өчен 10 май көнне  татар теленнән  ДЙА (ГИА) биремнәрен эшләү буенча өстәмә консультация үткәрелде.

9 нчы  май  көнне  Шәмәрдән  авылында   Җиңү  көненә   багышланган   бәйрәм  булды.   Бәйрәмдә     Шәмәрдән     лицее         укучылары           зур активлык   күрсәттеләр.  7 нче сыйныф укучысы, Гарипов Динар, үзенең җырлавы  белән таң калдырды. Шулай ук оркестр  уйнавы да бәйрәмнең төп чарасы булып торды. Әйе, чыннан да, укучыларыбыз ветераннарга һәм килгән кунакларга зур хөрмәт күрсәттеләр һәм бәйрәм бик күңелле үтте.

 В нашем лицее много зеленых комнатных растений. Они  создают прекрасные уголки отдыха, радуют глаз, снимают усталость и напряжение. Как приятно  видеть хотя бы мимоходом, как  распускает лепестки комнатная роза! После этого  становится удивительно празднично на душе. Ведь эти цветы -  символ счастья, процветания и мира на земле.