Бүген "Кояшкай" ял лагерының сигезенче көне. Иртән балалар лагерьга кабул итеп алынды. Иртәнге линейка  үткәрелде. Линейка барышында куркынычсызлык техникасы буенча инструктаж үткәрелде. Аннары "Шатлык" һәм "Елмаю" отрядлары бер -берсен җыр белән сәламләделәр. Балаларга  иртәнге аштан соң,  Рәдиф абыйлары  "Атмосфера басымы" темасына кичә үткәрде. Бу эшчәнлек барышында балалар табигать  күренешләре турында яңа мәгълүмат алдылар. Аннан соң "Җирнең һава сүрүе" темасына практик эш башкардылар.  Ял иткәннән соң,   укучылар "Без наркотикларга каршы" темасына газета чыгару бәйгесендә катнаштылар һәм алар үз эшләрен яклап чыгыш ясадылар.  Һәр отряд та бу эшчәнлеккә бик  җаваплы итеп карады.  Көндезге аш вакыты җиткәне сизелмичә дә калды. Балалар кулларны юып табын артына утырдылар, повар апалары әзерләгән тәмле ризыклар белән сыйландылар. Көндезге аштан соң саф һавада хәрәкәтле уеннар уйнадылар. Көндәлек эшкә йомгак ясалды һәм балалар өйләренә озатылды.

Ике көн бәйрәм ялларыннан соң лагерь эшчәнлеге шау-гөр  килеп башланып китте. Тантаналы төстә лагерь байрагы күтәрелде, отрядлар бер-берсен җыр аша сәламләделәр. Иртәнге  аштан соң   балалар  түгәрәкләрдә шөгыльләнделәр, сәламәтлекләрен ныгытып  хәрәкәтле уеннар уйнадылар. Көндезге аштан соң  "Сәламәт булыйм дисәң" дип аталган кичә-тамашада катнаштылар. 

   Хезмәт һәм ял лагерында йөрүче учыларыбыз да мәктәп яны тәҗрибә участогында тырышып эшләделәр, шифалы дару  үләннәре җыйдылар.

Бүген "Кояшкай" ял лагерына йөрүче укучылар эшне иртәнге линейкага тезелү  һәм байрак күтәрү белән башланды.  Линейка барышында куркынычсызлык кагыйдәләре бунча инструктаж үткәрелде.  Иртәнге аштан соң  Марданов А.М. та  "Яндырып бизәү серләре"  дип аталган  шөгыльдә булдылар.  Аннан соң  "Яшь тимурчылар" шефлык эше оештырылды. Укучылар бик  еләп әби-бабайларга булыштылар.Үз эшләреннән канәгать булып калдылар. Шефлык эшеннән соң авылыбыз фельдшеры Зарипова Әльмира апалары белән очрашу булды.   Көндезге аштан соң саф һавада хәрәкәтле уеннар уйнадылар һәм көндәлек эшкә йомгак ясалып балалар өйләренә озатылды

Бүген дә балалар лагерьга бик теләп килделәр. Татарстан гимны астында лагерь байрагы күтәрелде. Укучылар иртәнге аштан соң "Туган ягымда умартачылык" , "Оста куллар"  түгәрәкләрендә шөгыльләнделәр.  Әлеге түгәрәкләрдә укучылар яңа белемнәр алдылар. Түгәрәкләрдән соң кызларыбыз  "Ягез әле, кызлар!" бәйгесендә көч сынаштылар. Төшке аштан соң саф һавада хәрәкәтле уеннар уйнап укучылар өйләренә таралыштылар.

Бүген 14 яше тулган  укучылар өчен 4 нче хезмәт чиреге  башланып китте.Бу уку  елында 35 укучы төрле өлкәләрдә  хезмәт итәчәк. Укучылар куркынычсызлык кагыйдәләре белән танышып, эш башладылар.Укучыларга эшләрендә иминлек телибез!!!

Бүген "Кояшкай" лагеры тантаналы рәвештә Татарстан гимны астында башланып китте. Бүгенге көн бик файдалы һәм кызыклы үттте.  Көннең икенче яртысында укучылар белән шифалы үләннәр җыйналды һәм киптерүгә куелды.

1 июнь көнне мәктәбебездә "Кояшкай" ял лагеры эшли башлады. Лагерь Татарстан гимны астында байрак күтәрү белән башланып киттте. Лагерьда  25 бала ял итә. Бүген , 1 нче июнь- Халыкара балаларны яклау көне уңаеннан, Сатыш мәдәният йорты каршында зур  бәйрәм тамашасы үтте. Укучылар татар халкының милли уенннарын уйнап чын күңелдән ял итттеләр. Бәйрәмдә бер генә  укучы да бүләксез калмады. Балалар бүгенге көннән бик канәгать калдылар. 

Җәйге чорда мәктәбебездә  15 баланы берләштергән  ял һәм хезмәт лагеры  эшли башлады. Укучылар  ял һәм хезмәтне  бәйләп алып баралар. Мәктәп яны тәҗрибә участогында эш гөрләп бара. Лагерь 21 нче июньгә кадәр эшләячәк.

Безнең мәктәбебездә 15 нче майдан 25 нче майга кадәр "Сабантуй - 2015" дип исемләнгән район күләмендә рәсем ясау бәйгесе игълан ителгән иде, бу бәйгедә 5 нче сыйныф укучысы  Мирзагитова Айгуль үзе ясаган рәсеме белән катнашып  - I урынга лаек булды, җитәкчесе Гыйльманова Айгөл Нагыймулла кызы. Афәрин сезгә!