Бүген Бөек Җиңүнең 71 еллыгы уңаеннан  Сатыш мәдәният йортында зур бәйрәм тантанасы булды.Һәйкәл-обелискка венок салынды,1 минутлык тынлык игьлан ителеп,батырлар искә алынды.Соңыннан сугыш һәм тыл ветераннары,сугыш чоры балаларына чәй эчү оештырылды.

Бүген 5-6 нчы сыйныф укучылары балалар коллективын оештыручы Зәйнетдинова Г.Р. белән берлектә Сатыш авыл зиратына күмелгән Бөек Ватан сугышы батырларын барлап кайттылар.Әлеге каберләргә ленталар бәйләнде.

"Җиңү волонтерлары"проекты кысаларында укучыларыбыз тыл һәм сугыш ветераннары,сугыш чоры балаларына Җиңү көне белән котлау открыткалары һәм 8 май көнне үтәчәк тантанага чакыру кәгазе өләштеләр.

Бүген халык шагыйре- Г.Тукайның туган көне.Шул уңайдан татар теле һәм әдәбияты укытучысы Мөхәмәтханова Г.М.1-11 сыйныф укучылары өчен "Тукай безнең йөрәкләрдә!" дип аталган шигырь бәйрәме үткәрде. Бәйрәмдә Г.Тукай шигырьләре яңгырады, аерым шигырьләре сәхнәләштерелде.Кичә Г.Тукайның "И Туган тел!" җыры белән тәмамланды.

17нче май-Халыкара балаларның ышаныч телефоны көне.Шушы уңайдан 25 нче апрельдән 17 нче майга кадәр  мәктәбебездә "Балаларның ышаныч телефоны" айлыгы башланып китте.Бүген тәрбия эшләре буенча директор урынбасары Әхмәтшина Р."Без үзебез генә түгел" дигән чыгыш ясады.Ул укучыларны Ышаныч телефоны белән таныштырды, нинди  шартларда аңа мөрәҗәгать итәргә кирәклекне аңлатты. 

Буген китапханәче Гыйльманова А.Н. 5-6 сыйныф укучылары белән берлектә Марк Твен әсәре буенча әдәби -квест үткәрделәр. Уен барышында 4 команда 5 этапта көч сынаштылар. Нәтиҗәдә "Җитезләр" командасы җиңу яулады.Уен бик кызыклы һәм куңелле булды.

"Мәрхәмәтле Татарстан" акциясе кысаларында бүген башлангыч сыйныф укучылары һәйкәл-обелискка барып,Бөек Ватан сугышында һаләк булучыларны 1минутлык тынлык белән искә алып кайттылар.Аларның батырлыклары мәңгелек!.

Бүген Советлар Союзы Герое ,летчик А.П.Маресьевның тууына 100 ел тулу уңаеннан 2-11 нче сыйныфларда тәрбия сәгатьләре булып узды.Укучылар А.П.Маресьевның тормыш юлы,батырлыгы турында бай мәгьлумат алдылар.

"Бөтендөнья җир" көне уңаеннан химия-биология укытучысы Хасанова В.Р. 5-8 нче сыйныф укучылары белән "Җиребезне саклыйк!" дип исемләнгән класстан тыш чара үткәрде.Кичә барышында экологик проблемалар һәм аларны чишү юллары каралды.

Казан шәһәренең Актерлар йортында 19-22 апрель көннәрендә Г.Тукайның 130 еллыгы уңаеннан VI Халыкара  “Тукай замандашлары” дип исемләнгән шигырь сөйләүчеләр  бәйгесе үтте.

Әлеге шигырь сөйләүчеләр бәйгесендә Ш.З.Зиннуров исемендәге Сатыш урта гомумбелм бирү мәктәбеннең 8 нче сыйныф укучысы Минанхузин Илфир катнашты.Илфир 19,20 апрель көннәрендә уңышлы чыгыш ясап, 22 апрель көнне Актерлар йортында үткән Гала –концертта чыгыш ясады һәм III урынга лаек булды.