Хәрби - патриотик айлык планы нигезендә бүген Аҗаган уены булды. Командирлар үз взводларының әзерлекләре турында ТИН укытучысы Гильмутдинов Ф.Г. рапорт бирделәр. Стройда йөрү, аркан тарту, турникта күтәрелү кебек ярышлардан соң, уенның 2 өлеше урамда дәвам итте. Монда азимут буенча хәрәкәт итеп, яшерелгән флагны эзләп таптылар

Халыкара Туган телләр көне уңаеннан татар теле һәм әдәбияты укытучысы Мусина Җ.Х.  7 сыйныф укучылары катнашында "Тамчы шоу" уены үткәрде. Укучылар "Тукай оныклары" һәм "Тел белгечләре" командаларына бүленеп көч сынаштылар.  

Халыкара Туган телләр  көне уңаеннан укучылар юбиляр язучыларга багышланган газеталар чыгардылар.

В 6-8 классах прошел урок Мужества, посвящённый Всероссийской общественной инициативе «Горячее сердце».Мероприятие проводилось с целью формирования у учащихся представлений об ответственном гражданском поведении в обществе на примерах отважных поступков их сверстников, а также неравнодушного отношения к людям, нуждающимся в помощи.

Герой -шагыйрь Муса Җәлилең 110 еллыгы уңаеннан татар теле укытучысы Мусина Җ.Х. "Гомерем минем моңлы бер җыр иде" дип исемләнгән класстан тыш чара үткәрде. Укучылар   Җәлилнең тоткынлык чорында язган шигырьләрен укыдылар,  шагыйрьнең китаплары күргәзмәсе  белән таныштылар, "М.Җәлил иҗатын беләсеңме?" дигән викторина сорауларына җавап бирделәр. 

15 февраль - Сугышчы - интернационалистлар көне уңаеннан "Әфганстан - йөрәк ярам"  дип исемләнгән чара үтте. ТИН укытучысы Гильмутдинов Ф.Г. Әфган һәм Чечен  сугышларында катнашкан якташларыбыз турында сөйләде, видеороликлар күрсәтте.

Бүген мәктәбебездә "Россия чаңгы юллары -2016 " ярышы булды. Ярышта укучыларыбыз теләп катнашты. Соңыннан  кайнар коймак белән чәй эчү оештырылды.

Хәрби - патриотик айлык кысаларында педагог - оештыручы Нуриахметова Д.Р. 5 сыйныф укучылары белән "Герой пионерлар " дигән темага сбор үткәрде..  

8 нче февраль көнне "Гражданин. Җәмгыять. Дәүләт." темасына парламент дәресе үтте. Җәмгыять белеме укытучысы Хафизов А.Ф. парламент эшчәнлеге, бурычларыбыз, хокукларыбыз турында сөйләде. Дәреснең икенче өлешендә Шытсу авыл җирлегеннән Саба муниципаль районы Советына депутат Мавлетов Булат Миндрахманович чыгыш ясады, укучыларның сорауларына җавап бирде.

 6 нчы февраль көнне Ш. Биктимеров  исемендәге район мәдәният йортында "Бәхет иле - балачак"  конкурсынының  финал этабы узды. Безнең Курайчылар ансамбле бу конкурста уңышлы чыгыш ясап, 1 урынны яуладылар. Котлыйбыз!