Флүс Латыйфи исемендәге  “Сәләт»кә нур булган йолдызлар»  республикакүләм ачык әдәби бәйгесе “Сәләт” яшьләр оешмасы  һәм Татарстан Республикасы Яшьләр һәм Спорт министрлыгы тарафыннан оештырыла. Бу бәйгегә 350-дән артык гариза кабул ителеп, финалга 45 эш үткән. 28-нче апрель көнне, «Сәләт» йортында язучылар һәм журналистлар катнашында  түгәрәк өстәл һәм бүләкләү тантанасы үтте. 

Безнең укучыларыбыз  Гыйниятова Зәлия һәм Әхтәмҗанова Алинә  12-14 яшьлекләр арасында “Проза” номинациясендә 2-3 урынга, ”Драма” номинациясендә  Гыйниятова Зәлия 2 урынга лаек булып, Диплом һәм Г Камал исемендәге Академия һәм Драма театрына  “Галиябану” спектаклен карарга чакыру билеты алып кайттылар. Җитәкчеләре - Мусина Җ.Х.

Халыкара Балалар телефоны көне уңаеннан классларга буклетлар, ышаныч телефоны турында информацияләр   өләшенде. Материаллар класслардагы стендларга  куелды.

Европа иммунлаштыру атналыгы  кысаларында 7 класс активистлары "Мифы и факты об иммунизации" дип исемләнгән буклет эшләделәр һәм укучыларга тәкъдим иттеләр.

Җир Хартиясе принципларын тормышка ашыруның 15 еллыгы  уңаеннан классларда тәрбия чаралары үтте. Мусина Җ.Х  7 сыйныф укучылары белән "Табигать сулышы " дип исемләнгән ачык чара уздырды, 5 -8 сыйныф укучылары мәктәп тирәсен җыештырдылар, "Хәнәфи кое"сын чистарттылар.

26 апрель - бөек шагыйрь Г. Тукай туган көн. Шул уңайдан татар теле укытучысы Мусина Җ.Х.  "Безнең күңелләрдә син, Тукай" дигән әдәби -музыкаль кичә үткәрде.

 1986 нчы елның 26 апрелендә 1 сәг. 24 минутта В. И. Ленин исемендәге Чернобыль атом электр станциясенең 4 блок реакторы шартлый. Шартлау вакытында температура 1600-1800 градуска җитә. Бу фаҗига кешелеккә бик зур зыян салды. БДБ илләренең 13 өлкәсе радиоактив матдәләр белән зарарланды. Аварияне бетерүгә Татарстаннан да 3500 ликвидатор чакырыла.

Быел бу фаҗигагә 30 ел. Шул уңайдан, мәктәбебездә "Чернобыль фаҗигасе кабатланмасын " дигән дәрес үтте.

Мәктәбебездә ТР Җир Хартиясенең 15 еллыгы уңаеннан  эш башланды. 6 сыйныф укучылары  класс җитәкчеләре  Шарифуллина Г.А. белән "Салкын чишмә" буен чистартырга бардылар

Г. Тукайның 130 еллык юбилее уңаеннан чаралар дәвам итә. Бүген Мусина Җ.Х. 6 класс укучылары белән шагыйрь иҗаты буенча викторина үткәрде.

22 апрель - Бөтендөнья Җир көне уңаеннан "Җиребезне саклыйк!" дигән тема астында чаралар үтте.

Г. Тукайның 130 еллыгы уңаеннан башлангыч сыйныф укучылары катнашында шигырь бәйрәме үтте.