Бүген 8, 10нчы сыйныф укучылары сыйныф җитәкчеләре Хадиева Г.Ә., Каримуллина Э.Т. белән Саба район судында экскурсиядә булдылар. Администратор Халимов Р.Х. укучыларны бик җылы каршы алды, суд бинасы буенча экскурсия үткәрде, суд процессы белән таныштырды. Баш судья Сабиров Д.Р. укучыларны кызыксындырган сорауларга җавап бирде. Әлеге экскурсия укучыларыбыз өчен бик файдалы булды.

Укучыларыбыз шефлыкка алган өлкәннәребез янында булып, хәлләрен белеп, ярдәм итеп кайттылар.

Мәгариф хезмәткәрләренең кышкы Спартакиадасында мәктәбебез командасы 3нче урын алды. Укытучыларыбызны чын күңелдән котлыйбыз, алга таба да зур уңышлар теләп калабыз.

Бүген педагог-оештыручы Зиганшина Н.С. 3а сыйныф укучылары белән "Туган авылым тарихы" дигән темага сбор үткәрде. Сбор барышында укучылар мәктәп музеенда булып, авыл тарихына кагылышлы экспонатлар белән дә таныштылар.

Башлангыч сыйныф укучылары бүген Эзмә мәдәният йортында Г.Кариев исемендәге театр артистлары уйнаган бик эчтәлекле һәм тәрбияви  "Керпе малае дуслар эзли" дигән спектакль карадылар. Спектакль укучыларга бик ошады.

Салкын кыш башлану белән, "Кошлар-безнең дуслар" акциясе кысаларында укучыларыбыз мәктәп территориясенә җимлекләр элделәр һәм һәрдаим әлеге җимлекләрне җим белән тәэмин итеп торалар.

7нче сыйныф укучылары һәм сыйныф җитәкчеләре Димитриева Л.И. әти-әниләр белән берлектә чана шуу оештырдылар. Әлеге чара һәркем күңеленә хуш килде.

Бүген 5-11 сыйныфларда сыйныф сәгатьләре   "Интернет челтәрендә куркынычсызлык" темасы буенча үткәрелде. Сыйныф җитәкчеләре укучыларга интернеттан дөрес файдаланырга, куркынычсызлык кагыйдәләрен үтәргә кирәклеген тагын бер тапкыр аңлаттылар. Сыйныф сәгатендә презентацияләр һәм видеофильмнар күрсәтелеп, фикер алышынды.

"Сәламәтлек-синең байлыгың" акциясе кысаларында спорт комитеты членнары  башлангыч сыйныф укучылары белән флешмоб үткәрделәр.

Халыкара “Рәхмәт” көне уңаеннан «Гөлләр” отряды варислары белән сбор үткәрелде. Сборда укучылар белән “Рәхмәт” сүзенең тарихы, аның киң мәгънәсе, кулланылышы турында әңгәмә үткәрелде, аудиоязма тыңланылды. Әти – әниләргә рәхмәт йөзеннән открытка ясалды һәм әлеге темага җыр өйрәнелде.