Мәктәбебездән 10 укучы (җитәкчеләре Галиев А.Г.) Югары Осланда узган ТР Беренчелегенә тау чаңгысы буенча ярышларда булып кайттылар. 6нчы сыйныф укучысы Сафиуллина Иделия 3нче, ә 7нче сыйныф укучысы Габдрахманова Лилия ике тапкыр төрле дисциплиналарда 2нче урын алды. Калган укучыларыбыз да уңышлы чыгыш ясап кайттылар. Аларның барысына да алга таба да зур җиңүләр теләп калабыз.

Мәктәбебездә Эзмә авыл җирлеге белән берлектә "Чаңгы юлы-2017" үткәрелде. Әлеге мероприятиедә укучыларыбыз һәм укытучыларыбыз бердәм катнашты. Җиңүчеләргә грамоталар һәм акчалата бүләкләр тапшырылды.

10нчы сыйныф укучысы Гибадуллина Айзилә (укытучысы Һадиева Г.Ә.)  һәм 11нче сыйныф укучысы Юсупова Ризәлә (укытучысы Мифтахова В.Х.) татар теленнән республика олимпиадасында призер булдылар. Кызларыбызны чын күңелдән котлыйбыз, алга таба да зур уңышлар теләп калабыз.

Команда Изминской СОШ в районных соревнованиях по лыжным гонкам заняла 1 место. Молодцы!

Сегодня в школе прошла встреча с представителем Казанского кооперативного техникума.

Әйләнә-тирәне яратучы, аңа сакчыл караучы социаль - актив, гуманлы иҗади шәхес тәрбияләү максатыннан 4нче сыйныф укучылары белән "Мин - табигать баласы" дип исемләнгән сбор үткәрелде.

Бүген  мәктәбебездә “Ачык ишекләр” көне үткәрелде. Районыбыз укытучылары өчен дәресләр, түгәрәкләр эшчәнлеге, мастер-класс тәкъдим ителде.

     Бүген үзенең бөтен гомерен балаларга белем һәм тәрбия  бирүгә багышлаган татар теле һәм әдәбияты укытучысы Мифтахова Вәсилә Хәмит кызының олы юбилее.

Хөрмәтле Вәсилә Хәмитовна! 

   Сезне ихлас күңелдән шушы матур юбилеегыз белән чын күңелдән тәбриклибез. Ихтирамлы һәм игътибарлы булганыгыз, хезмәтегезне намуслы башкарганыгыз, тырыш һәм ярдәмчел булуыгыз өчен Сез хезмәттәшләрегез арасында да, әти-әниләр, укучылар арасында да хөрмәткә ия булдыгыз. Гомер үткән саен тормыш сынауларына бирешмичә, хезмәтегезгә гашыйк булып, саулыкта, сәламәтлектә, гаиләгезнең горурлыгы, якыннарыгызның таяначы булып, яшәгез, эшләгез.

Балалар иҗат үзәгендә бүген отряд әйдаманнары  өчен "Иң яхшы әйдаман"  Республика конкурсының муниципаль этабы узды. Мәктәбебез укучысы Галиева Әдилә әлеге бәйгедә 1нче урын яулады. Әдилә үзен актив, иҗади, кыскасы, бар яктан да килгән әйдаман итеп күрсәтте. Аңа зона этабында да зур уңышлар теләп калабыз.

Мәктәбебезнең 9нчы сыйныф укучысы Закарова Нәргизә (укытучысы Закарова Г.Р.) МХК фәненнән Бөтенроссия олимпиадаларының республика этабында призер булды. Нәргизәне чын күңелебездән котлыйбыз, алга таба да зур уңышларга ирешүен теләп калабыз.