1 июня - День необыкновенный. 

У нас Выпускной бал

Уртанчылар төркеме балалары бүген Үзәк мәйданга экскурсиягә,  күргәзмә карарга бардылар. Балалар анда робототехника белән таныштылар аларның ничек эшләвен күзәттеләр, үзләре дә уйнап-эшләтеп карадылар.

1 нче июнь -Балаларны яклау көне уңаеннан, "Нарат" боз сараенда үткәрелгән "Күңелле стартлар" ярышында безнең "Кыңгырау" балалар бакчасы, мәктәпкә әзерлек төркеме балалары 3 нче урынны яулады.

6 июня т.г. в Аппарате Уполномоченного по правам ребенка в Республике Татарстан (г. Казань, ул. Карла Маркса, д. 61) пройдет День психологической помощи.

Безнең бакчабызда балаларның ирекле сюжетлы-рольле уеннар уйнау өчен барлык мөмкинлекләр дә бар.  Балалар шөгыльләрдән  тыш вакытларында төрле ирекле уеннар уйнарга бик яраталар.Бу уеннар уртанчылар төркеме  балаларында дуслык,бердәмлек,бер-берсенә юл куя белү кебек сыйфатлар тәрбияләргә ярдәм итәләр. 

 Бүген  бакчабызда "Җиңү кайтавазы мәңгелек" дип исемләнгән 9 май -Җиңү көненә багышланган бәйрәм иртәсе узды. Зурлар төркеме балалары , Бөек Ватан сугышы китергән ачы хәсрәтне,  күз яшьләрен ,кешелек дөньясы көткән Җиңү көненең мөһимлеген шигырьләр,  җырлар , биюләр аша күрсәттеләр. Балаларда Ватаныбызга карата  мәхәббәт, горурлык хисләре тәрбияләнде.

Бүген безнең сөекле шагыйребез Габдулла Туөкайның туган көне. Бу бәйрәмне бөтен татар халкы билгеләп үтә. Габдулла Тукай иҗаты балар бакчасында да тирәнтен өйрәнелә. Бүген Сабабызның мәдәният йортында да "Без Тукай шәкертләре" дип исемләнгән күңел ачу кичәсе үткәрелде.Бәйрәмдә балалар сөекле шагыйрьнең җырларын, шигырьләрен яттан сөйләп,җырладылар.Әкият герое- Шүрәле бәйрәмгә ниндидер бер ямь өстәде. Мәктәпкә әзерлек төркеме балаларына кичә бик охшады.

Уртанчылар төркеменә йөрүче Мустафина Азиза,  бию түгәрәге коллективы белән  Казан каласында үткән "Биеп яшик" дигән конкурста катнашып II дәрәҗәдәге дипломга лаек булды.

Г.Тукай әкиятләрен уку, сәхнәләштерүгә әзерлек мәктәпкә әзерлек тәркеме балалары.

Бармак уеннары сабыйлар усешендә зур роль үти. Андый уеннар баланың баш миен эшләтә һәм тизрәк «телен ачарга» ярдәм итә.  Бармаклар белән төрле күнегүләр ясау, аларны төрлечә хәрәкәтләндерү – баланың сөйләмен үстерүдә уңай шарт булып тора. Балаларның бармакларын ныгыту өчен “Бармак театры” оештыру бик файдалы. Бармакларның хәрәкәтчәнлеген үстерү буенча эшне даими рәвештә алып барырга кирәк, чөнки шул вакытта гына ул файдалы була. Күнегүләр балаларны ардырмаска һәм күтәренке кәеф белән эшләнергә тиеш. Уртанчылар төркеме балалары да бик яратып һәм теләп бармак театрлары күрсәтәләр.