һөнәрләр белән таныштыруны дәвам итеп, уртанчылар төркеменә Руфинәнең әтисе-Рөстәм килде. Ул үзенең Пановка төзәтү колониясендә-мал табибы булып эшләвен белдерде. Малларга да нәкъ кешеләргә кебек укол , операцияләр ясалуын җиткерде.

Һөнәрләр бик күп төрле, ләкин үзеңә яраклысын, ошый торганын дөрес сайлый белергә генә кирәк. Бу атна бакчабызда "Һөнәрләр илендә", ягъни төрле һөнәр ияләре турында сөйләшеп үтте. Ә инде һәр төркемгә әти-әниләрнең килеп үз һөнәрләре белән таныштыруы балаларга бигрәк тә ошады. Балалар төрле һөнәр ияләре белән танышып бик күп белем тупладылар. Бу атна үтеп китсә дә, әле әти-әниләр үз һөнәрләре белән таныштыруны алга таба да дәвам итәләр. Барлык әти-әниләребезгә коллектив исеменнән бик зур рәхмәтебезне белдерәбез.

Балаларның көнкүрешен, төрле шөгыльләрен уенсыз күз алдына да китереп булмый. Уен балалар өчен белем алу да, тормышка өйрәнү чарасы да. Уен - балалар тормышының көнкүреш ихтыяҗы.

Бакчабызда нәкъ менә уенга багышланган "Федераль дәүләт белем бирү стандартларын гамәлгә ашыру шартларында уен технологияләре ярдәмендә балаларның танып-белү үсешен камилләштерү" дигән тема астында район семинары үтте. Төрле шөгыльләр, мастер- класслар күрсәтелеп, тәрбиячеләр тарафыннан эшләнгән лэпбуклардан күргәзмә оештырылды. Килгән кунакларыбыз үзләренә бик күп төрле мәгълүмат алып, эш алымнары өйрәнеп киттеләр. Соңыннан район мәгариф бүлеге методисты Хабибирахманова Д.Р. үзенең рәхмәт сүзләрен җиткерде.

Бүген 2 нче кечкенәләр төркеменә шәфкать туташы Румия апа килде. Балалар аны килеп керүгә шунда ук танып алдылар. Ул башта үзенең һөнәре турында сөйләде,аннан авырту Алсу курчакны дәвалады. Курчакның температурасы күтәрелгән булуын белгәч,аңа укол ясады. Балалар бик кызыксынып тыңлап утырдылар.Курчакны жәлләделәр, Һәм авыртырга ярамавын аңладылар. 

 Ясминнең әнисе (Сабирзянова Эльмира) кем булып, кайда эшләвен белми идек эле без. Бүген зурлар төркемнә килгән Эльмира апалары үзенең хисапчы булуын эйтте. Бу һөнәр ияләренең нинди эш башкаруы турында  мәгълүмат бирде.

Балалар әти - әниләрнең һөнәре белән таныштыруны дәвам итәләр. Бүген бездә кунакта Ранильнең әтисе - Киямов Ленар булды. Ул полицейский булып эшли. Аның формасына карап, балалар сокландылар.

Балалар әти-әниләренең һөнәре белән танышуны дәвам итәләр. Бүген кунакта Алимның әнисе - Гатауллина Гөлфия һәм Аязның әнисе Фатхриева Дилә булды. Алар үткәргән әңгәмәдә балалар суд залында эшләүче сәркатип һөнәре белән танышып, судьяның чын чүкечен тотып карадылар.

Машиналарга "туклану"  өчен бензин алган әти-әниләре белән заправкада булмаган балалар юктыр. Менә бүген шушы өлкәдә хезмәт куючы менджер-оператор Дилә апа һәнәре дә кызыклы булды аларга.

Бүген "Кыңгырау" бакчасы балалары, почтага бардылар. Чөнки безнен Алсу һәм Булатның эниләре шунда эшли. Алар безгә бик матур журналлар һәм газеталар өләштеләр. Балалар бик күп мәгьлүмәтләр белеп кайтып киттеләр.

Бүген 2 нче кечкенәләр төркеменә, бакчабыз хезмәткәрләре, тәрбияче ярдәмчеләре килеп үз хезмәтләре турында балалар белән әңгәмә үткәрделәр.Балалар тәрбияче ярдәмчесенең эше бик авыр,җаваплы икәнен аңладылар.Кызыксынып тыңлап утырдылар.

Бүген уртанчылар төркеме балалары тагын бер һөнәр иясе- Сатучы-  (Габдрахманова Илсинәнең әнисе) Илүсә белән таныштылар. Сатучы һөнәренең кешеләр б/н әйбәт мөгалләмәдә булырга , һәрвакыт ачык йөз б/н каршы алырга кирәклегенә төшендерде, балаларны Илүсә апалары.