Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Г.Закирова, д.54 |
Телефон: | +7(843)-622-45-85;+7(917)-893-99-06 |
E-Mail: | dsad4@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №4 "Кынгырау" |
Руководитель: | Файзрахманова Рузалия Фариховна |
Год основания учреждения: | 1990 |
У нас учатся: | 119 |
У нас учат: | 14 |
Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан» - новости
Страницы: << 191 192 193 194 195 196 197 198 ( 199 ) 200 >>
-
Чисталык дәресләре.
15.05.2014
Беренче кечкенәләр төркемендә “Һәрвакыт булсын кояш” әңгәмә- рәсем, 2 кечкенәләр төркемендә “Табигатьне чистартыйк”, уртанчыларда “Без- нәни экологлар”, зурларда “Экологик экспериментлар”, мәктәпкә әзерлек төркемендә “Туган ягым чиста булсын” интеграль белем бирү, күңел ачу, рәсем ясау, презентация карау формасында үтте. Экологик белем бирү ел дәвамында системалы алып барыла, акцияләрдә катнашып, республика һәм Россия күләмендә грамоталар белән бүләкләндек.
-
Җиңү көне- бу дөньяның яңадан туган көне!
08.05.2014
Бүген бездә зур бәйрәм – Җиңү көне билгеләп үтелде. Балалар белән җиңү алып килгән яз турында атна дәвамында сөйләшүләр алып барылды, күп төрле мәгълүмат бирелде. Балалар сугыш, тынычлык турында шигырьләр, җырлар өйрәнделәр, мәңгелек утка чәчәкләр куйдылар.Яшь кешеләр! Әгәр сез иртә белән ефәк яфраклы гөлләрнең чәчәк атуын күрәсез икән, сез шул иртәдәге өй каршындагы тирәкләрдә кошлар сайравын ишетәсез икән, белегез — бу иртәнге шатлыкта сугышта үлеп калганнарның, фашизм тоткынлыгында үлеп калган солдатларның ялкынлы тормышы бар. Әгәр дә сезнең әбиегез, я әниегез йомшак куллары белән башыгыздан сыйпый икән, үзенең моңлы күзләре белән сезнең күзләрегезгә тутырып карый икән — белегез — ул күзләрдә сугыштан кайтмаган бабаларыгыз һәм әтиләрегез турында тирән сагыш бар. Әгәр сез тыныч өйдә яшисез, иркен мәктәпләрдә укыйсыз, айлы кичтә үзегезнең дусларыгыз белән серләшеп утырасыз икән, белегез — бу җирдә сезнең матур яшәвегез өчен меңләгән солдатларның каны түгелгән. Бу яшьлекнең, бу тормышның кадерен белегез, яшь кешеләр!
Хөрмәтле ветераннар!
Кылдан нечкә һәм кылычтан үткен
Сират күперен кичкән буын сез.
Үзе үлсә дә, илне исән килеш
Безгә бүләк иткән буын сез.
Безгә сезнең буынның
Һәр бөртеге — бер дөнья.
Илебезнең тарихының
Данлы бите сез монда.
-
Мәңгелек утка чәчәкләр.
08.05.2014
Җиңү көне иң зур бәйрәм —
Туп тавышы тынган көн.
Сабый бала саф күзләрен
Кырда түгел, карда түгел,
Бишегендә йомган көн.
Җиңү килде җирне нурга күмеп,
Шатлык белән күзне чылатып.
Килде ул көн — горур күкрәкләрдә
Орден-медальләрне чыңлатып.
- Самат Г.Тукай шигырьләрен ярата. 29.04.2014
-
Кошлар бәйрәме.
29.04.2014
Бүген бакчабызда икенче кечкенәләр төркеме балалары "Яз җитте, кошлар туган якларга кайтты" бәйрәм иртәсе үткәрделәр. Балалар үзләре кошларга әйләнеп матур җырлар җырладылар, шигырьләр сөйләделәр, рольләргә кереп кошлар булып уйнадылар. Кошларга костюмнар теккән әти- әниләргә зур рәхмәтебезне белдерәбез!
-
Без 2 урынны яуладык!
27.04.2014
26 апрель көнне Лесхозның боз сараенда “Күңелле стартлар” ярышы үткәрелде. Балалар ел буе тимераякта йөрергә өйрәнделәр. Ел ахырында бу түгәрәккә йомгак барлык боз сараена йөргән балалар бакчалары арасында ярыш формасында үткәрелә. Быел безнең балалар “Алтынчәч” балалар бакчасы белән берлектә “Дружба” командасы буларак катнашты. Командалар газета чыгарып алып килделәр, сәламләү өлешендә девизларын әйттеләр. “Күңелле стартлар” ярышында 7 команда катнашты, ә безнең “Дружба” командасы 2 урынны алды. Катнашучыларга медальләр, кубок, грамота, һәр балага бүләк бирелде. Балаларны ярышка әзерләгән тәрбиячеләр Солтанова М.Р, Ханипова Л.А., кече тәрбияче Мухамадиева М.М., Валиева С.Г. га “Нарат” боз сарае исеменнән рәхмәт хаты тапшырылды. Балаларны һәм хезмәткәрләрне уңышлары белән котлыйбыз, алга таба да уңышлар телибез. Шулай ук ярышка килеп командага көч, рух биргән барлык әти- әниләргә дә зур рәхмәтебезне җиткерәбез.
-
Г.Тукай безнең күңелләрдә.
25.04.2014
Бүген бакчабызда Габдулла Тукайның туган көненә багышланган “Г.Тукай безнең күңелләрдә” бәйрәм иртәсе үткәрелде. Г.Тукай – балалар язучысы. Һәр буын укучылары аның шигырьләрен яратып, кызыксынып укый. Габдулла Тукай кыска гына гомере эчендә искиткеч шигырьләр язып калдыдырга өлгерә. Аның шигырьләренә үткен теллелек , башка беркем дә кулланмаган үзенчәлекле алымнар хас. Тукай кечкенә генә җитешсезлекләрне дә күреп ала, алардан ачы көлә белә. Туган иленә,табигатенә дан җырлый. Балалар бүген бик яратып аның шигырьләрен сөйләделәр, әкиятләрен сәхнәләштерделәр, аның шигырьләренә язылган җырларны җырладылар.
Тукай дигән бөек бер шагыйрь бар,
Саф йөрәкле шагыйрь , татарда
Еллар үткән саен аның моңы
Күңелләрдә кабат яңара.
Аның әкиятләрен тыңлап үскән
Һәр баласы шушы милләтнең
Шигырьләре белән бик күпләрнең
Күңел кылын Тукай тибрәтте.
Язлар җиткән саен синең исемең
Чәчәкләргә, данга күмелә
Бөек Тукай , мәшһүр шигырьләрең
Мәңге яшәр халык күңелендә.
-
Өйрәнүләр үткәрелде.
24.04.2014
Бакчабызда “Куркынычсызлык” атналыгыүткәрелде . Атналык дәвамында ГО һәм ЧХ буенча норматив документлар өйрәнүне дәвам ителде, искеләре яңартылды, планнар төзелде, техник әсбаплар әзерләнде, эшчеләргә инструктажлар үткәрелде.
-
Габдулла Тукай- халык улы.
24.04.2014
Язның иң матур бер көнендә, карлар әреп, бозлар агып киткәч, агач һәм куакларда хуш исле бөреләр уянган чакта яраткан шагыйребез Габдулла Тукай туган.
. Сөекле шагыйребезнең шигырьләрен яшь чакта бабаларыбыз ятлаган, әти-әниләребез укып үскән, хәзер аларны без баларга өйрәтәбез. Атна дәвамында балалар аның тормышы, иҗат юлы, әсрләре, әкият, җырлары белән таныштылар. Шигырьләренә рәсемнәр ясадылар, аның буенча күргәзмә оештырылды, бәйрәм иртәсенә әзерлек бара. Тукай әсәрләрен укыган саен укыйсы килә. Алар җанны җылыта, күңелне яктырта, туган телгә мәхәббәт тәрбияли. Г. Тукайның шигырьләре балаларны укуны, эшне яратырга, табигатьне сакларга өйрәтә.
Тукай! Нинди бөек исем! Ул безнең йөрәкләрдә.
-
Яшелчәләр паровозга төялде.
18.04.2014
Зурлар төркеме балаларының тәрәзә төбендәге яшелчәләре паровозга төялеп китеп бара, ә өйләре тирәсендәге кыярлары инде шактый зур үскән, чөнки аларны балалар үзләре карап, сулар сибеп үстерәләр. Тиздән кыярлар ашый башлыйбыз, чәчәккә бөреләнгәннәр инде дип сөенә алар. Яшел үсентеләр белән ташбаканы, попугайны да сыйлаганнар алар. Тырышлыклары файдалы булуына балалар бик сөенәләр. Һәрвакыт тырыш булыгыз, балалар! Күргәзмәне эчтәлекле итеп оештырган өчен тәрбияче Хазиева Алсу Габделхамитовна һәм Мавлявиева Ләйсән Альфакаровнага бакча администрациясе грамотасы тапшырылды.