Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Г.Закирова, д.54 |
Телефон: | +7(843)-622-45-85;+7(917)-893-99-06 |
E-Mail: | dsad4@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №4 "Кынгырау" |
Руководитель: | Файзрахманова Рузалия Фариховна |
Год основания учреждения: | 1990 |
У нас учатся: | 119 |
У нас учат: | 14 |
Муниципальное бюджетное дошкольное образовательное учреждение «Сабинский детский сад общеразвивающего вида № 4 «Кынгырау» п.г.т. Богатые Сабы Сабинского муниципального района Республики Татарстан» - новости
Страницы: << 191 ( 192 ) 193 194 195 196 197 198 199 200 >>
-
Юбилеегыз белән котлыйбыз!!!
26.01.2015
Бүген бакчабыз тәрбиячесе Ханипова Людмила Амировнаның зур юбилее- 55 яше тулды. Аны бакчабыз коллективы, мәгариф бүлеге профсоюз рәисе Шамсевалиева А.М. зур юбилее белән тәбрикләде һәм мәгариф бүлеге мактау грамотасы белән бүләкләде.
Людмила Амировна! Сезне юбилеегыз белән тәбрик итәбез. Бәйрәмегез матур көннәр, изге хәбәрләр, шатлыклы яңалыклар гына алып килсен. Бүгенге шат, сәламәт, бәхетле елмаюыгыз сезне беркайчан да ташламасын. Һәрчак шулай саф күңелле сердәшче, тугры ярдәмче, үз һөнәрен яхшы белгән хезмәт өлгесе булып озын- озак еллар яшәвегезне телибез. Сәламәтлек, җан-тән тынычлыгы һәм бәхетләр сезгә ихлас күңелдән. Ярты гасыр күп тә сыман, юк та сыман. Синең гомердә тормышыңның әллә нинди вакытлары булды. Сынмадың, сыгылмадың, югалмадың. Менә дигән ана булдың.Кешене бәхет тудырмый, бәхетне кеше үзе ясый. Син үз бәхетеңне үзең тудырып, иреңә, балаларыңа, туганнарыңа өлеш чыгардың. Киләчәктә дә ул хәзинәңнең чишмәсе саекмасын, балаларың тату тормыш итсеннәр. Өегез нурга чумсын.
Кабул ит син безнең ихлас теләкләрне,
Сәламәт бул, рухың һәрчак көчле булсын,
Шатландырып, җилкендереп йөрәкләрне
Күңелеңдә бәхет хисе ташып торсын!
Чын күңелдән Сезне тәбриклибез,
Котлы булсын туган көнегез.
Куанычтан –куанычка атлап кына
Сәламәт булып гомер итегез!
-
Бар һөнәр дә яхшы.
23.01.2015
Бүген бакчабызда төрле һөнәрләр белән таныштыру, алар белән кызыксыну уяту; төрле һөнәрләрне чагыштыру, файдалы якларын ачыклау, хезмәт тәрбиясе бирү максатыннан атналык проектның тәмамлау чарасы- “Барлык һөнәрләр дә яхшы, барлык һөнәрләр кирәк” темасына ярыш, табышмак- кичә үткәрелде. Балалар төрле һәнәр ияләре булып уйнадылар, табышмакларга җавап бирделәр.
-
Халыкара конкурс лауреатлары.
23.01.2015
Бакчабыз балалары- Сиразутдинова Динә, Вильданов Римас, Давлетшин Әмир, Рафиков Зөлфәт, Яруллина Рәзинә "Минем яраткан кечкенә дусларым” II Халыкара конкурсында катнашып, лауреат Дипломы белән бүләкләнделәр. Аларны тәүге уңышлары белән котлыйбыз, алга таба да актив булуларын, иҗади сәлатләре тагы да үсеп бик күп уңышларга ирешүләрен телибез,
-
Конкурс нәтиҗәләре.
22.01.2015
Халыкара "Елмаю бүләк итәм" конкурсында катнашып тәрбияче Ханова Гөлназ Ришатовна II урын, ә Мавлявиева Ләйсән Альфакаровна III урынга лаек булдылар һәм Диплом белән бүләкләнделәр. Аларны уңышлары белән котлыйбыз, алга таба да актив булуларын һәм иҗади уңышлар телибез.
-
Туган телебезне яратырга кечкенәдән өйрәтәбез.
22.01.2015
“Без тиз арада балалар бакчаларына йөрүчеләргә татар һәм рус телләрен уңайлы һәм нәтиҗәле итеп өйрәнү өчен тиешле шартлар тудырырга бурычлы. Телләр үзләштерү байлык! Республикабызның киләчәге булган балаларның дәүләт телләрен үзләштерү процессына мәктәпкәчә яшьтә үк старт бирү - мәктәп, югары уку йортларында белем алу этабы өчен яхшы фундамент әзерләү ул”, - диде И.Халиков. Балаларның тәкъдим ителгән укыту-методик комплектлары нигезендә шөгыльләнүләрен, беренче чиратта, мавыктыргыч һәм югары дәрәҗәдә профессиональ итеп оештыру зарурлыгын кабат-кабат ассызыклады. Безнең балалар бакчасында тәрбия –белем бирү эшчәнлеге балалар бакчасының “Белем бирү программасы” нигезендә алып барыла. Программа “Истоки” һәм “Төбәкнең мәктәпкәчә белем бирү программасы” (“Региональная программа”) га нигезләнеп төзелгән. Яңа уку методик комплектлары буенча белем бирү эшчәнлеге һәм режим моментларындагы эшчәнлекләр үткәрелә.
Тәрбиячеләр түбәндәге методик кулланмалар, эш дәфтәрләре һәм таратма, күрсәтмә материаллардан файдаланалар:
Шаехова Р.К. эш дәфтәренә методик кулланмасы, эш дәфтәре "Мәктәпкәчә яшьтәгеләр әлифбасы.Авазларны уйнатып " К.В.Закирова «Балачак аланы», "На поляне детства» хрестоматияләре.Зарипова театральләшкән уен ситуацияләре өчен күрсәтмә-таратма материаллар.Зарипова З.М. “Туган телдә сөйләшәбез”
Белем бирү эшчәнлекләре очен предмет-үсеш тирәлеге булдырылды, УМК буенча күрсәтмә, таратма материаллар туплаганды.Барлык төркемдәдә ТР мәгариф һәм фән министрлыгы тарафыннан бирелгән яңа укыту-методик комплектлары, рәсемнәр тема буенча кисеп, ябыштырып куелды. “Авазларны уйнатып” эш дәфтәрләрендә эш системалы алып барыла. Балаларны авазлар, сүз, җөмлә төзелешләре,хәрефләр белән таныштырабыз. Картиналар буенча тулы җөмләләр белән, тасфирлап сөйләргә өйрәтәбез. Ә бу көннәрдә туган телгә өйрәтү торышы буенча уртанчылар төркемендә тематик күзәтүләр үткәрелә. Тәрбиячеләр Ганиева Фәния Фаттаховна һәм Ханова Гөлназ Ришатовна белем бирү эшчәнлеген һәм көндәлек режимны ФДБС таләпләре буенча оештыралар, балаларга тәрбия - белем бирүне проектлар, уеннар, проблемалы ситуацияләр һәм башка методик алымнар кулланып, презентацияләр күрсәтеп үткәрәләр.
-
II халыкара иҗади эшләр конкурсы нәтиҗәсе.
20.01.2015
II халыкара иҗади эшләр конкурсында катнашып, “Кыңгырау” балалар бакчасы коллективы педагоглары Халитова Флюзия Рафаиловна, Галимуллина Алсу Ринатовна, Ханова Гөлназ Ришатовна, Ганиева Фәния Фаттаховналар “Кечкенә дусларым” эшләре өчен рәхмәт хаты белән бүләкләнделәр. Аларны уңышлары белән котлыйбыз, алга таба да актив булуларын телибез.
-
Чаңгы шуабыз.
20.01.2015
Сәламәт яшәү рәвешен кече яшьтән балаларга төшендерү, теләк уяту максатыннан тәрбиячеләр балаларга сәламәт булыр өчен дөрес тукланырга, чисталыкны даими сакларга, вакытында йокларга, хәрәкәт активлыгын үстерергә,физкультура,спорт белән шөгыльләнергә, саф һавада булырга кирәклеген аңлаталар. Кыш көне чаңгыда йөрү организм өчен бик файдалы булганлыктан һәр көн чаңгы шуарга чыгабыз.
Чанада да шуабыз,
Чаңгыда да шуабыз.
Тимераякта очабыз,
Чыжлап тора шома боз.
Тауларга да барабыз,
Кырларга да чыгабыз.
Кар-буран дип тормыйбыз,
Шуабыз да шуабыз.
-
Балаларның кышкы уеннары.
19.01.2015
Безнең балалар саф һавада булырга бик яраталар. Алар белән тәрбияче апалары төрле- төрле хәрәкәтле уеннар оештыралар. Бу атнада алар татар халык уеннары өйрәнәләр, уйныйлар. Бигрәк тә "Мәликә", "Түбәтәй", "Чума үрдәк, чума каз" һ.б. бик яратып уйныйлар.
Ява карлар, яңа карлар –
Кышның ак гөлләре.
Якты булсын, ап-ак булсын
Илемнең көннәре.
Ишетелеп торсын җирдә
Балалар көлгәне.
-
“Без күрмәгән җирләр күрер өчен юл тамгасын кирәк белергә”
16.01.2015
Бүген бакчабызда юл йөрү кагыйдәләрен өйрәтү буенча йомгаклау чарасы үткәрелде. Чараны “Светофор” түгәрәгенә йөрүче зурлар төркеме балалары әзерләде. Түгәрәкнең җитәкчесе тәрбияче Габбасова Ләйсән Равилевн белән берлектә балалар автокласста ел дәвамында юл йөрү кагыйдәләрен үзләштерәләр һәм төрле чаралар үткәрәләр. Бүген дә“Без күрмәгән җирләр күрер өчен юл тамгасын кирәк белергә”- әдәби- музыкаль кичәсен бакчабызның барлык балаларына күрсәттеләр. “Урман җәнлекләре” һәм балалар юл йөрү кагыйдәләрен дөрес үтәргә кирәклеген аңлатып бирделәр. Ахырдан барлык балалар белән юл йөрү кагыйдәләре буенча әңгәмә үткәрелде.
-
Игътибарлы җәяүле.
15.01.2015
13 январьдан- 17 январьга кадәр “Игътибар, җәяүле” атналыгы үткәрелә.
Безнең «Кыңгырау» балалар бакчасында да бу юнәлештә эзлекле, даими эш алып барыла. Балаларны юл йөру куркынычсызлыгы кагыйдәләренә өйрәту программасына нигезләнеп, куркынычсыз хәрәкәт кагыйдәләрен өйрәту буенча эшне төрле ысуллар кулланып алып барабыз.
Беренчесе - тирә-юньне күзәтеп, күрә белеп төрле юл очраклары белән танышу, предметлар, күренешләр, хәрәкәтләрне атау, анализлау, нәтижәләр ясау.
Икенче ысулы - чынбарлыкны әти- әниләрнең, тәрбиячеләрнең сөйләме, әдәби әсәрләр уку, телетапшырулар карау, хәрәкәтле уеннар уйнау, торле уенчыклар, картина - рәсемнәр, иллюстрацияләр, атрибутлар карау. Күпчелек эш уен формасында алып барыла. Бу очракта балалар теорияне яхшырак үзләштерәләр һәм истә калдыралар
Атналык дәвамында тәрбиячеләр өчен “Юл йөрү кагыйдәләренә өйрәтү планын ФГОС буенча язу тәртибе“ темасына мастер- класс үткәрелде.
Урамда балалар белән җәяүле юлы буенча сәяхәтләр үткәрелә.