19-22 октябрь көннәре  безнең бакчада "Көз сандыгы" темасы белән үтте.Безнең максат: балаларның ел фасыллары турында белемнәрен киңәйтү: көзнең характерлы үзенчәлекләре, табигатьтәге үзгәрешләр, кыргый һәм йорт хайваннарының , кошларның тормышы, кешеләрнең эшчәнлеге; ел фасыллары, ай исемнәре турында белемнәрен ныгыту; табигатьтәге үзгәрешләргә үсемлекләр, җәнлекләр ничек җайлашуы, андагы күренешләргә карата гомуми караш формалаштыру;тере булмаган табигатьтә күзаллауларны киңәйтү. Көз темасын ныгытып, төркемнәрдә кул эше буенча коллектив эшләр башкарылды. Уртанчылар төркеме "Җәнлекләр көзге урманда" , зурлар төркеме "Көзге урман аланында", мәктәпкә хәзерлек төркеме "Көзге урман" темаларына композицияләр эшләделәр. 

 Ох, как громко закричал

И цыпляток всех созвал.

Вот бегут без оглядки

Наши желтые цыплятки.

Занятие по образовательной области «Музыка» в средней группе на тему: «Веселые цыплятки»

Программные задачи

1.Закреплять  представление об осени; об особенностях жизнедеятельности домашних  птиц; закрепить   представление о многообразии и значимости овощей и умение их различать.

2.Развивать связную речь, умение говорить ясно, понятно для окружающих; память, внимание, логическое мышление, воображение, воспитывать умение внимательно слушать взрослых и сверстников, точно и полно отвечать на поставленный вопрос.

3.Воспитывать любовь и бережное отношение к природе, умение сопереживать.

4.Закрепить умение различать характер музыки, передавать его в движении.

Россия Федерациясенең мәктәпкәчә белем бирү үсешендә яңа этап башланды.Бүгенге көндә белем һәм тәрбия бирүдәге үзгәрешләр,яңалыклар турында сөйләшү өчен без уртанчылар төркемендә әти-әниләр белән җыелыш үткәрдек.

2010-2015 нче елларда Татарстан Республикасында мәгарифне үстерү стратегиясе “Киләчәк” программасы кысаларында мәктәпкәчә белем бирү учреждениеләрендә Татарстан Республикасы дәүләт телләрен өйрәтү программасы старт алды. Балалар бакчаларына йөрүче балаларга татар һәм рус телләрен уңайлы һәм нәтиҗәле итеп өйрәнү өчен тиешле шартлар тудырылды.

 Заманча педагогик технологияләр белән янәшә мультимедиа чараларын һәм Интернет мөмкинлекләрен киң файдаланылуда республикасы хөкүмәте ярдәм итте.

Программаны гамәлгә кертү процессында ата-аналар да актив катнаша, алар белән тыгыз элемтәдә торабыз. Һәр дәрестә өйрәнелгән материалны  җиткерәбез.таныштырып  торабыз ,җыелышларда чыгышлар тәкъдим итәбез.Әлбәттә, әти- әниләр, тәрбиячеләр, балалар белән берлектә эшләгәндә генә эшнең нәтиҗәсе уңай була.

"Үткәнен белмәгәннең - киләчәге юк!" дигән борынгыларның урынлы әйтелгән сүзе һәрбер кешене уйландырырга, үзенең үткәне, тарихы белән кысыксындырырга мәҗбүр итә. Иң беренче чиратта бу өлкәдә без педагоглар үткәннәрне барлауда, кешелекнең гомер тәҗрибәсен, күңел байлыгын сакларга тиеш, ә иң мөһиме тарихи мирасыбызны түкми-чәчми киләчәк буынга тапшырырга бурычлы.Бу уңайдан безнең "Әллүки" балалар бакчасында күп кырлы эш алып барыла.Бакчабыз мөдире Мухарлямова Әлфия Шамил кызы җитәкчелегендә, педагогик коллектив районыбызда эшләп килүче туган як музеена сәяхәт кылдык.Саба районы җирлегеннән чыккан күренекле шәһесләр, борынгы бабайларыбызның савыт-саба һөнәрчелеге белән шөгыльләнүче, сугыш геройлары һәм мамонт сөякләре табылдыклары турында мәгълүматлар алдык. Музейдан алган тәэсирләребезне исбатлап, балаларга һәм әти-әниләргә тарихи җәүһәрләребезнең үзкыйммәтен җиткерү максатыннан проект, презентацияләр эшләдек.Тарихи темаларга багышлап рәсем, әвәләү күргәзмзлзре оештырдык.

                                                                                                                                                                                                  Зурлар төркеме тәрбиячесе Гараева Мәдинә Мансур кызы.

Иң кечкенәләрнең икенче кечкенәләр төркемендә  ата - аналар җыелышы булды. Җыелышта ясле төркеме ата - аналары, бакчабызның  белгечләре төркемдәге эшчәнлек төрләре һәм бакча режимы  белән таныштылар. Соңыннан тәрбияче балаларның  адаптация чоры һәм сенсор тәрбиянең әһәмияте турында презентация күрсәтте. 

Бу атна "Икмәк - илебез байлыгы" дигән тема белән үтте. Тәрбиячеләрнең бурычы: балаларга көзге байлыкның халыкка шатлык, куаныч китерүен төшендерү, бу байлыкларны тудыручы игенчеләр хезмәтенә карата  хөрмәт тәрбияләү; игенченең мактаулы һәм авыр  хезмәте, икмәкнең нинди юллар аша табынга килүе турында тасвирлап сөйләргә өйрәтүне дәвам итү; татар халкының хезмәт сөючән халык икәнен, ялкаулыкның бездә элек-электән зур кимчелек, начар сыйфат саналуын, хезмәт сөю һәркемгә хас сыйфат булырга тиеш икәнен аңлату; икмәкнең әһәмиятен аңлату, икмәккә сак караш, хөрмәт тәрбияләү иде.Йомгаклау чарасы итеп мәктәпкә әзерлек төркеме балалары һәм тәрбиячеләре Абубакирова Р.Г., Хузина М.П. икмәк заводына экскурсиягә бардылар. Алар анда эшләүчеләр белән таныштылар. Кайнар икмәктән авыз иттеләр,торт ясарга өйрәнделәр. Тагын бер тапкыр икмәкнең зур байлык икәненә инандылар.

"Чисталык - сәламәтлекнең нигезе" - дип борынгылар белми әйтмәгәннәр! Бүген 15 нче октябрь - бөтендөнья чиста куллар көне. Бездә - "Әллүки" балалар бакчасында бу уңайдан балаларга кечкенәдән үк культура-гигиена кагыйдәләрен үтәүгә зур игътибар бирелә. Темага нигезләнеп безнең зурлар төркеме балалары һәм тәрбияче апалары Мәдинә Мансуровна, Зәлифә Зөфәровна, Гөлнур Фартовналар белән Әбрар Кәримуллин исемендәге район китапханәсенә сәяхәт иттеләр. "Чиста куллар" темасына карата китапханәче Эльмира Василовна сөйләгән информацияне кызыксынып кабул иттеләр, тырышып табышмаклар чиштеләр. Корней Чуковский әсәренә куелган тәрбияви "Мойдодыр" мультфильмын карадылар һәм һәрвакыт чиста йөрергә сүз бирделәр. Зәвыклы, матур бизәлешле журналлар аша тагын бер тапкыр кулларны һәрвакыт юып, чиста йөрергә кирәклегенә төшенделәр.

Саба районының оешуына 85 ел тулу уңаеннан, Саба районы Башкарма комитеты мәдәният бүлеге, Шәүкәт Биктимеров исемендәге район мәдәният йорты "Бәхет иле - балачак" исемле конкурс игълан итте. Бүген "Әллүки" балалар бакчасында конкурсның зональ туры булды. Анда зурлар һәм мәктәпкә хәзерлек төркеме балалары матур биюләре һәм җырлары белән чыгыш ясап, финалга үттеләр. "Нәни йолдызлар" җыр ансамбленә, "Фантазёры" бию коллективына, Айзилә Гумеровага (нәфис сүз), Руфинә Ярмухаметовага ("Мин чикерткә" җыры), Нәргизә Газетдиновага ("Әбием" җыры)  финалда уңышлар теләп калабыз.

Район мәдәният йортында Укытучылар көненә багышланган бәйрәм тантанасында "Иң яхшы бакча" муниципаль конкурсына йомгак ясалды. Күп группалы балалар бакчалары арасында безнең "Әллүки" балалар бакчасы "Иң яхшы дизайнлы бакча" номинациясендә 1 урыннны яулады һәм мәгариф идарәсенең мактау грамотасы һәм акчалата премиягә лаек булды.

Бу йортта һәркем өчен дә иртә бертөсле башланып китәдер.Бәлки,кайберләре таң атканда ук торып утырган,монда эшләүчеләр килгәнче үк юынып,урын-җирен җыештырып эшен бетереп куйгандыр.Ә кемдер тәрәзәдән күзен алмый йөрәк түрендә генә йөрткән бер якын кешесен көтә,пыскып кына янган өмет ялкынын көн саен ниндидер аклау-аклану ярдәмендә сүндерми торадыр.Шушындый уйларга чумып, без беренче октябрь-өлкәннәр көне уңаеннан мәктәпкә хәзерлек төркеме балалары белән районыбызның Лесхоз бистәсендә урнашкан картлар һәм инвалидлар йортына "Шәфкатълелек акциясе"дип исемләнгән концерт программасы белән бардык.Монда яшәүчеләрнең күңелләрен күтәреп,балалар матур җырлар җырладылар,төрле биюләр биеделәр.Бакчабыз мөдире Мөхәрләмова Әлфия Шамилевна өлкәннәрне бәйрәм белән котлап изге теләкләрен җиткерде.Музыка җитәкчеләребез Валиева Лилия Илдаровна үзенең матур җырларын бүләк итсә,Халиуллина Гүзәл Нуруловна очынып-очынып биюе белән әби-бабайларыбызның ихтирамын яулады.Әлеге чараны оештыруда тәрбиячеләр Шарипова Фәридә Миннисламовна,Абубакирова Райлә Ахатовна, Ибатуллина Илзирә Сөләймановналар зур тырышлык куйдылар.Өлкәннәребез концертны бик яратып ,яшь аралаш карап,тагын килүебезне сорап озатып калдылар.Соңыннан без бергәләшеп фотога төштек.