Мәктәпкә хәзерлек төркеме балалары, тәрбияче Абубакирова Р.Г., музыка җитәкчеләре Валиева Л.И. һәм Канафиева Л.М. "Дәү әнидә кунакта" дигән күңел ачу чарасы күрсәттеләр.

Тәрбияче Шакирова Э.А. синель чыбыклардан чәчәк ясау буенча мастер класс үткәрде.

Мәктәпкә хәзерлек төркеме балалары "Тамчы шоу" интеллектуаль уенында катнаштылар. Төрле-төрле кызыклы сорауларга җавап биреп, үзләренә смайликлар җыйдылар. Нәтиҗәдә дуслык җиңде. Соңыннан тәрбияче апалары Абубакирова Р.Г. балаларга тапкырлыклары һәм зирәклекләре өчен медальләр тапшырды.

Килгән кунакларны балаларның каршылаулары.Семинар бишек җыры белән башланып китте. Балалар үзләренең гаиләләре, балалар бакчасы, Туган ил турында шигырьләр сөйләделәр.

 Уртанчылар төркемендә балалар китапханәдә сәяхәттә булып Эльмира Василовна белән китапханәче һөнәре белән якыннанырак таныштылар.Газета-журнал,китапларны карап, китапны сакларга,кадерләргә өйрәнделәр.

 Әниләр көненә багышланган әңгәмәдән соң, шигырь сөйләделәр.Татар халкының “Өч  кыз” әкиятен карап балаларда әниләренә карата хөрмәт уянды.

18, 19 ноябрь көннәрендә Саба районында гражданнар оборонасы буенча өйрәнүләр үткәрелә. Безнең балалар бакчасы мөдире Мухарлямова А.Ш. ПЭП №2 катнашты.

Кулына  китап  тоткан   бала – ул  бәхетле  бала. Китап битләреннән  аның  җанына нур иңә, дөньясына  яктылык сирпелә,  күңеленә  җылылык  йөгерә.  Шуңа күрә  дә  безнең  әби – бабаларыбыз  борынгыдан  ук  китапны  изге әйбер дип  санаганнар, аны  кадерләп, икмәк  белән янәшә саклаганнар.                   

Бүгенге балаларның  сөенерлеге  бар, алар  китаплы  халык.  Кешенең  гаҗәеп  могҗизасы  саналган  китап – бүген  дә  безнең  белән, балалар  белән. 

Безнең I нче кечкенәләр төркеме балалары китап карарга бик яраталар. Балаларның китапны яратуы үзләрен кызыксындырган сорауларга җавап табарга, үзләре яшәгән дөнья турында күбрәк белергә өйрәтә. Ә баланы китап белән дуслаштыру кече яшьтән үк башлана. Китап баланың рухи дөньясын баета, аның белемен арттыра, зиһенен үстерә.

Бөек мәгърифәтче галимебез Р.Фәхретдиннең алтынга тиң, мәгьнәле сүзләре: “ Бала чакта алган тәрбияне- соңыннан бөтен дөнья халкы да үзгәртә алмас” безгә бала тәрбияләү өлкәсендә махсус  девиз әйләнде.Әйе без. Без гөнаһсыз нәниләрдән төрле яклап камил шәһес тәрбияләргә бурычлы.Балаларыбыз уенга, тирән белемгә, яхшы тәрбиягә, туган иле, теле булуга, күңелле, бәхетле, тыныч тормышка, халкыбызның матур гореф- гадәтләренә, ватанына тугрылыклы булуга хокуклы.Нәниләребез кечкенәдән үк мәдәниятле, тәрбияле булып, үз хокукларын  белеп , үз-үзенә, якыннарына, гаиләсенә хөрмәтле булып үсәргә тиеш.Атналык “ Хокукый мозаика “ темасына нигезләнеп без зурлар төркемендә кызыклы уеннар, күңелле тәрбияви чаралар үткәрдек.

Балаларның хокуклары турындагы белемнәрен киңәйтү, аларда әхлакый сыйфатлар, әти-әнигә хөрмәт тәрбияләү, балаларның гаиләдәге хокуклары турындагы белемнәрен ныгыту, аларның ялга, уенга хокуклы булуларын аңлату, дуслык, әхлаклылык хисләре тәрбияләү максатыннан  балалар белән  “Минем хокукларым” дигән уен-викторина үткәрелде. Балалар сорауларга , табышмакларга җаваплар эзләделәр, уен уйнадылар, шигырьләр сөйләделәр, таныш әкиятләрдәге геройларның нинди хокуклары бозылганын дөрес итеп әйтә белделәр. Уен-викторина “Ягымлы сүзләр түгәрәге” уены һәм презентация карау белән тәмамланды.