Хөрмәтле Әлфия Шамиловна!

Сезне олы бәйрәмегез— 55 яшьлек юбилеегыз белән чын күңелдән котлыйбыз! Сезгә нык сәламәтлек, күңел тынычлы­гы, гаилә шатлыгы, кайгы-хәсрәтсез көннәр, ак бәхетләр, ба­лаларыгызның һәм оныкларыгызның күңел җылысын тоеп, иге­лекләрен күреп, бәхетле озын гомер кичерүегезне телибез. Ки­ләчәгегез җыр кебек матур, кояш кебек якты булсын.

Туачак таңнарыгыз һәрвакыт нурлы, күк йөзегез һәрвакыт аяз булсын. Гел шулай елмаеп, кешеләрне сөендереп яшәгез!

Котлап Сезне туган көнегез белән,
Ниләр теләсәк тә аз сыман.
Гомерегез озын булсын, шатлык белән
Гөрләп яшәгез матур җәй сыман.

Гади, сабыр, олы җанлы да Сез,
Кылганнарыгыз бары изгелек.
Кайгыларсыз үтсен һәрбер көнегез,
Бәхетләрең булсын гомерлек.

Иң изге теләкләр белән “Әллүки” балалар бакчасы коллективы

День победы - самый необыкновенный праздник! В нём объеденены противоречивые чувства: радость и грусть, боль воспоминаний, гордость за наших солдат. Казалось бы, с течением времени события прошлого должны забываться. Но память сильнее времени. Она объединяет сотни тысяч людей по всей стране. Сегодня музыкально-литературное представление собрало воспитанников нашего детского сада у "костра памяти", который перенёс их в те дни большой скорби и славной Победы.

  Сугыш... Меңләгән шәһәрләр җимерелгән, җир йөзеннән гөрләп торган авыллар юкка чыккан, шау чәчәккә күмелгән бакчалар янып көлгә әйләнгән. Коточкыч сугышка безнең  яктан күпме кешеләр сугышка  киткән һәм аларның барысыда  туган якка әйләнеп кайтмаган.  Әйе... Барлык ир-егетләр сугышка китәләр, авылда картлар, хатын-кызлар, балалар калалар. Сынаган аларны бу дөнья ! Бөек Җиңүгә 71 ел! Илебез азатлыгы өчен көрәшкән солдатларны онытмыйк. Исәннәрнең кадерен белик, үлгәннәрне онытмыйк, һәрберебезнең күңелендә алар мәңге саклансын!Балаларга патриотик тәрбия бирү максатыннан уртанчылар төркеме балалары белән(тәрбиячеләр Солтанова Г.Гһәм Широва Г.Г, тәрбияче ярдәмчесе Загидуллина Х.Х  җитәкчелегендә)  мәңгелек утка чәчәк куйдык.Илебез тыныч,тормышыбыз матур булсын дигән теләктә калабыз.

Без бүген мәктәпкә хәзерлек төркеме балалары белән (тәрбиячеләре Абубакирова Р.Г. һәм Хузина М.П.) мәңгелек ут янында экскурсиядә булып кайттык. Билгесез солдат һәйкәленә балалар чәчәкләр куйдылар. Бер минут тынлык белән сугыш кырында үлеп калган солдатларны искә алдылар. 

Уенчыкларымны онытып,

Кулларыма чәчәк тотып

Киләм, бабай, яннарыңа.

Сугышларда булгансың син,

Дошманнарны кугансың син,

Узган юлың ай-һай озын.

Илгә тугры калган өчен,

Батыр исеме алган өчен

Рәхмәт әйтә сиңа кызың.

  Әйе, туган илебез өчен башын салган батыр солдатларыбызны, илгә тугрылыклы каһарманнарыбызны онытмыйча киләчәк буынны да аларны кадерләргә, хөрмәтләргә өйрәтү безнең изге бурычыбыз. 

  Патриотик тәрбия бирүдә бакчабызда киң кырлы эш алып барыла. Бу уңайдан безнең зурлар төркеме балалары тәрбияче апалары белән берлектә (Гараева М,М., Широва Г,Г,, Мифтахова Г,Р,) "батыр солдат" һәйкәленә сәяхәт иттек. Ватаныбызны саклап башларын салган, миллионлаган совет сугышчыларын искә төшерүче мәңгелек утка чәчәкләр салдык. Саба җиребездән чыгып, аяусыз сугыш кырларында ятып калган якташларыбызны искә алдык. Мәңгелек дан һәм хөрмәт аларга!!!

Май аенда туган көннәре булган хезмәттәшләребез Загидуллина Халисә Хамматовна, Ибатуллина Илзирә Сулеймановна! Сезне туган көннәрегез белән котлыйбыз. Сезгә сәламәтлек, бәхетләр, озын бәрәкәтле гомер телибез.

Тәбриклибез сезне чын күңелдән

Котлы булсын туган көнегез

Кайгы-хәсрәт сезне читләп үтсен

Шау бәхеткә тулсын өегез

Бүлешәбез барлык шатлыкларны,

Бөтенебез бергә  җыелып.

Гомерегезнең олы вакыйгасы

Күңелләрдә калсын уелып.

Тагын бер ел өстәлсә дә сезгә,

Ул ел сезне тагы да яшәртсен.

Нурын сибеп көләч йөзегезгә

Гел шат итеп кенә яшәтсен 

18 апрельдән 29 апрельгә кадәр Шарипова Ф.М. Габдулла Тукай исемендәге Арча педагогика көллиятендә белем күтәрү курсларында булып кайтты. "Совершенствова-ние профессиональной компетентности воспитателя детей дошкольного возраста в условиях ФГОС ДО" дип исемләнгән укулар барышында күп яңалыклар белеп, башка районнардагы коллегаларыбыз белән тәҗрибә уртаклаштылар.Әлеге фото көллият директоры таныклык тапшырган вакытта төшерелде.

28 апрель көнне безнең "Әллүки" балалар бакчасында гомуми ата-аналар җыелышы булып үтте. Темасы: "Балалар бакчасында коорупциягә каршы күзаллауны формалаштыру". Беренче көн тәртибе буенча мөдир Мөхәрләмова Ә.Ш. чыгыш ясады. Әти-әниләрне кысыксындырган сорауларга җавап бирде. Икенче көн тәртибендә Габдулла Тукайның тууына 130 ел тулу уңаеннан мәктәпкә хәзерлек төркеме балалары "Кәҗә белән сарык" әкиятен сәхнәләштереп күрсәттеләр. Балалар тарафыннан күрсәтелгән әкиятне әти-әниләр бик җылы кабул иттеләр. Соңыннан балалар, әти-әниләр һәм бакчабыз хезмәткәрләре "Туган тел" җырын бергәләп башкардылар.

Мәктәпкә хәзерлек төркеменең әти-әниләр җыелышында тәрбиячеләр Абубакирова Райлә Габделәхәтовна һәм Шакирова Эльвира Альфредовна балаларга өстәмә белем бирү буенча эшчәнлекләренә нәтиҗә ясадылар. Райлә Габделәхәтовна "Без театр уйнарга яратабыз" өстәмә белем бирү эшчәнлегенең йомгаклау чарасы итеп әти-әниләргә Г.Тукайның "Кәҗә белән Сарык" әкиятен балалар белән сәхнәләштереп күрсәттеләр. Һәр баланың рольгә керә белү,  аларның сәнгатьле сөйләм осталыкларына әти-әниләр соклануларын  белдерделәр.

Тәрбияче Шакирова Эльвира Альфредовна "Оста куллар" өстәмә белем бирү эшчәнлеген йомгаклап, авыр сугыш елларында чагыштыргысыз патриотизм, батырлык һәм каһарманлык күрсәтеп кешелек дөньясының киләчәген яклап, саклап калган ветераннарыбызга, яу кырларыннан кайтмаганнарга  хөрмәт күрсәтү, аларны искә алу  максатыннан, якынлашып килүче Җиңү бәйрәменә карата әти-әниләргә балалар белән открытка ясауны тәкъдим итте. Открыткада ак күгәрчен (тынычлык кошы), Георгий тасмасы (Җиңү көне символы, биколор), кызыл канәфер чәчәкләре (хәтер һәм рәхмәт символы) чагылыш тапты.                        

Һәр туар таң җирдә тыныч булсын,

Имин булсын иде дөньялар.

Аяз күгебезне болыт капламасын,

Балкып торсын күктә йолдызлар,

Елмайсыннар җирдә сабыйлар!