Балалар "Җиңү кайтавазы" дип исемләнгән стенгазетага материаллар әзерләделәр. Шул ук исем астында асфальтта рәсемнәр ясалды.

Балалар авыл мәдәният йортындагы музейда булдылар. "Укытучыма хат" конкурсында барлык бала да актив катнашты. Кемдер хат язды, кемдер укытучысына булган хисләрен кәгазьдә ясалган чәчәк букеты аша җиткерде.

Бу көнне спорт мәйданчыгында балаларның шат авазлары яңгырап торды. Балалар чыгарган җәй турындагы шигырьләр һәммәбезгә дә ошады

12 июнь - Россия көне уңаеннан күп чаралар үткәрелде. "Россия символларын беләсеңме?" әңгәмәсе үткәрелде. Тәрбиячеләр әзерләгән презентация, күрсәтмә әсбаплар, дидактик материаллар теманы ачарга тулаем ярдәм итте. Соңыннан балалар стенгазеталар чыгардылар.

Балалар Мишә елгасы, Шыңар авылының төрле урыннарының, атамаларының ничек килеп чыгышы турында фикер алыштылар. Авылыбыз турында белемнәрен баеттылар.

Авылыбыз тирәсендәге "Садыйк чишмәсе", "Сабир чишмәсе" тарихлары белән таныштылар, Кече Шыңар чишмәсенә сәяхәт кылдылар.

Туган як турында җырлар кичәсе үткәрелде.Балалар кичә башында туган як турындагы җырларны башкардылар, шигырьләр сөйләделәр һәм "Җырлы-моңлы Шыңарым" җырын өйрнделәр

Балаларның лагерь турында фикерләрен ишетү максатыннан "Минем җәйге ялым" исеме астында иншалар бәйгесе үткәрелде.

Отрядлар арасында күңелле стартлар үткәрелде. Соңыннан балалар бергәләшеп татар халык уеннарын уйнадылар. Шулай ук инглиз теленнән КВНда көч сынаштылар.