Мәктәбебездә бүген соңгы кыңгырау яңгырады. Быел 11 классны 14 укучы тәмамлаячак. Чыгарылыш сыйныф укучыларын котларга әти-әниләре, беренче укытучылары килгән иде. Хәерле юллар сезгә, укучылар !

Ученик 11 класса Большешинарской СОШ Мухаметов Инсаф занял 1 место в Региональной научной конференции - конкурса технического творчества школьников "Интеллект - 2014". Учитель - Мухутдинов Фанзир Якубович. Награжден дипломом 1 степени и ценным подарком.

Безнең мәктәп укучылары Вафин Раниль, Мухаметгалиев Салават, Бикбаев Мәүлит - Республика күләмендә үткәрелгән "ДЮАШ - 2014" конкурсында 3 нче урынны алдылар. Афәрин егетләр!

"Фәнгә беренче адымнар" район конкурсының "Хайваннар дөньясында" номинациясендә 1 нче урынны алган 4 нче сыйныф укучысы Рахматуллин Рәмзилне чын күңелдән җиңүе белән котлыйбыз, уңышлар теләп калабыз.

12 нче май көнне район күләмендә Пионериянең туган көненә багышланган слет үтте. Ул быел да, табигать кочагында –Язлы Арташ авылы янындагы урман аланлыгында оештырылды.Тантанага педагог – оештыручылар, балалар думасы активлары һәм варислар хәрәкәте алдынгылары җйналды.

Мәктәпнең “Таң” балалар оешмасы варислары ГыйлметдиноваЗилә, Садыков Фаяз, Богманова Резеда, Шарифуллин Рәдис һәм Нигъмәтҗанова Илзирә педагог-оештыручы Шарифуллина В.М. җитәкчелегендә әлеге чарада катнашты. Алар слет программасын алып бардылар, Сабантуй уеннарына бирнә җыйдылар.

Бәйрәмдә  укучыларыбыз балалар оешмалары эшчәнлегендә, конкурсларда актив катнашканнары өчен грамота һәм акчалата премия белән бүләкләнде. Слетта узган  “Барабаны играют сбор” район конкурс-фестиваленең “Пионер җырлары” номинациясендә Шарифуллин Рәдис  I урынга лаек булды.

Укучыларыбызны һәм педагог-оештыручыны уңышлары белән котлыйбыз .

Бүген җиңү көне уңаеннан мәктәбебездә тантаналы митинг үткәрелде, ветераннар өчен концерт номерлары башкарылды

Бүген дәресләрдән соң укучылар өмәгә чыктылар. Мәктәп территорисеннән тыш авыл урамнарындагы чүпләр җыелды, мәчет яннары җыештырылды.

Бүген мәктәптә Г. Тукай туган көне уңаеннан төрле чаралар үткәрелде: шагыйрьнең шигырьләрен сөйләү, рәсемнәр конкурсы, радиотапшыру.

Мәктәп күләмендә кошлар көне билгеләп үтелде. 8 нче сыйныф укучылары "Кошлар турында без ниләр беләбез?" дип аталган радио тапшыру әзерләделәр, 7 нче сыйныфлар башлангыч сыйныфта укучы балалар өчен "Табышмак миннән, җавап - синнән" дип исемләнгән викторина; 5 нче сыйныф укучылары "Кем тизрәк таный?" дигән сорауларга җавап таптылар.

Район күләмендә уздырылган "Озын толым" бәйгесендә 8 нче сыйныф укучысы Гайнанова Фирүзә - 1 нче урын,

                                                                                                 11 нче сыйныф укучысы Файзуллина Алинә - 2 нче урынга лаек булдылар.

Кызларны җиңүләре белән котлыйбыз!