Апрель аеның соңгы көннәре булуга карамастан башка ел белән чагыштырганда урамда эле салкын һава тора. Әмма  ирга куагының  бөреләре уяна башлаган  һәм тиздән шау чәчәккә төренер. Балалар ирга чәчәгенең чәе йөрәк авырудан, кан басымыннан, ә җимешләрен кайнатып тамак авыртканда, авыз эче бозылган  очракта чайкатсан биктә  файдалы икәнен белделәр.

Балалар белән яраткан язучыбыз Габдулла Тукайның "Бала белән күбәләк" шигырен искә төшердек һәм  күбәләкләр кисеп ябыштырдык.

Балалар  видеороликлар аша үзебезгә кирәкле, файдалы ризыкларны дөрес   кулланырга кирәклеген белделәр. 

Әти-әниләр, балалар, хезмәткәрләр көче белән барлыгы 80 кг.макулатура җыелды. 

Бүген зурлар  белән әвәләү эшчәнлегедә Габдулла Тукайның "Шүрәле" әкиятен искә төшердек һәм яраткан Шүрәлене картонга пластилин ярдәмендә ясадык.

Бүген балалар белән режим моментларында дөрес туклану турында әңгәмә алып бардык. Һәр бала кирәгенче яңа, юылган, чиста  яшелчә, җиләк-җимеш, кайнар ризык һәм режим буенча туклана икән - ул бала сау-сәламәт булуын, төрледән -төрле чирләргә,  вирусларга бирешмәячәгенә инандылар.

Ел саен Габдулла Тукайның шигырьләрен, әкиятләрен өйрәнергә, сәхнәләштерергә  тырышабыз. Быел Габдулла Тукайның 135 еллыгына багышлап балалар бакчасында төрле материаллар кулланып эшләнмәләр ясарга булдык. Һәм зурлар төркеме балалары үзләренең әти-әниләре ярдәме белән  ясаган рәсемнәрен, эшләнмәләрен бик теләп бакчабызга алып килделәр.

Бүген «Урман – безнең байлыгыбыз» темасын ачып җибәрдек. Балаларда урманга һәм аның байлыкларына сак караш тәрбияләү. Кешеләр тарафыннан табигатьне сакларга кирәклеге турында нәтиҗә чыгара белү,логик фикер йөртү сәләтен үстерү,балаларның урман, андагы тереклек турындагы белемнәрен тирәнәйтү, мул табигатьнең кеше тормышындгы әһәмиятен аңлату. тәрбияләүне бурыч итеп алдык.

Безнең балалар бакчасында тәрбияләнүче Ислам белән Таңсылу, Әмир, Аяна һәм Муса этилэре белән берлектә "Һәр сыерчыкка - бер оя!" акциясендә катнаштылар.