23 февраль - Ватанны саклаучылар көне уңаеннан әти-әниләр ярдәмендә төрле материаллар кулланып "Мы творим чудеса" дигән конкурс игълан ителде.  Барлык әти-әниләр бу конкурста бик тырышып катнаштылар һәм бәйрәм вакытында әти-әниләр, балалар грамоталар белән бүләкләнделәр. 

Кисеп ябыштыру эшчәнлегендә  балалар әниләренә  бүләккә дип матур открыткалар ясадылар.

Балалар белән "Гражданнар оборонасы нәрсә ул?"- дигән темага әңгәмә үткәрелде. Янгын чыкса нишләргә һәм үзеңне ничек сакларга,чит кешеләр белән әңгәмә кормаска,  өйдә үзең генә калганда һәрвакыт ишекне бикләп утырырга, чит ят әйберләргә кагылмаска, тиз вакытта әти-әниеңә яки олы кешеләргә хәбәр бирергә икәне аңлатылды.

Кадерле әтиләрне, дәү әтиләрне, бабайларны һәм дә малайларны бәйрәм белән котлыйбыз! Безнен кисеп ябыштыру эшчәнлегендә ясалган кечкенә бүләгебез сезгә бәйрәм котлавы булсын. 

Әти -әниләр һәм балалар тырышлыгы белән эшләнгән күргәзмәбез. Бик матур эшләнгән эшләр. Бик зур рәхмәт Сезгә!!!

Бүген балалар белән суган, сарымсак утырттык. Суган белән сарымсакның никадәр файдалы һәм төрле чиргә,  вируска каршы торучан көче барын белдек.

Сәламәт булыйм дисәң, чаңгыга бас син һәр иртән! Менә шушы девиз ярдәмендә көн саен балалар белән чаңгыда шуабыз һәм сәламәтлегебезне ныгытабыз.

Математика эшчәнлегендә таякчыклар ярдәмедә төрле транспорт төрен төзедек һәм геометрик фигураларны ныгыттык.

Грамотага өйрәтү эшчәнлегендә балалар белән "У" хәрефен һәм "у" авазын өйрәндек. Аның сүзнең башында, уртасында, ахырында килүен билгеләдек.

Саф һавага чыккач зурлар төркем балалары белән чаңгы шудык.