Әти-әниләрне  һәм  балаларны сөендереп, бакчабызда  фотозона  ясадык. 2021  нче  елның  истәлеге  булып, фоторәсемнәр  еллар  дәвамында  сакланачак.

Бүген  безгә  зарыгып  көтеп  алган  Кыш  бабай  килде. Балалар  Кыш  бабайга  бик  шатландылар  һәм  аңа  үзләренең  шигырьләрен, җырларын  башкардылар. Кыш  бабай  аларга  күчтәнәчләр  өләште. Балалар  аңа  бик  рәхмәтле  булдылар.

Әти-әниләр  һәм  балалар  тырышлыгы  белән  "Яңа  ел  могҗизалары" исеме  астында  кул  эшләре  башкарылды. Монда  Кыш  бабайны  юл  куркынычсызлыгын  саклаучы  ролендә  ясаганнар  иде. Кул  эшләрен  әти- әниләр  һәм  балалар  тырышып  башкарганнар. Аларга  бик  зур  рәхмәт.

Физкультура  эшчәнлегендә  кояш  нурлары  аша  ике  аякта  сикерергә  өйрәндек.

Математика  шөгылендә  балалар  белән  поезда  сәяхәт  иттек. Төрле-төрле  тукталышларга  тукталдык  һәм  бер  тукталышта  поезд  ватылды. Аны  геометрик  фигуралар  ярдәмендә  төзәттек  һәм  таякчыклар  ярдәмендә  поездга  рельсләр  ясадык. Шөгыль  бик  күңелле  үтте.

Рус  теле  эшчәнлегендә  кар  бабай  төзедек  һәм  кыргый  җәнлекләрнең  эзләре  белән  таныштык.

Режим  вакытларында  балалар  юл  йөрү  кагыйдәләрен  өйрәнүне  дәвам  итәләр. "Юл  йөрү  кагыйдәләре" буенча  төзелгән  дидактик  уеннарда  уйныйлар.

Бүген  бакчабызда  балалар  белән  әниләр  бәйрәмен  үткәрдек. Барлык  әниләргә, дәү  әниләргә  исәнлек-саулык, тазалык-байлык, гаилә бәхете, илләр  тынычлыгы, балаларының  игелекләрен  күреп, яшәүләрен  теләп  калабыз. Бәйрәм  белән  Сезне  кадерле  әниләр, дәү  әниләр, әбиләр! Без Сезне  бик  яратабыз.

Балалар  әниләр  бәйрәменә  үз  куллары  белән  матур  открыткалар  әзерләделәр.

Математика  шөгылендә  түгәрәкләрдән  әниләргә  мәрҗән  төзедек.