Бүген бакчабызга КФХ фермер Зиятдинов Рифат һәр  баланы исәпкә алып сыерчык оялары бүләк итте.  Ояларны уен мәйданчыгындагы агачларга  әтиләр  беркетеп куйдылар. Бик зур рәхмәт әтиләребезгә! Балалар  сыерчыкларның исән -сау кайтып,  ояларны үз итүләрен  көтәләр. 

Яз булуга карамастан март ае салкын тора. Әмма без балалар белән кояшның җылы нурлары астында саф һавада рәхәтләнеп кышкы уеннарны уйныйбыз. 

Балалар белән  су үзенчәлеген өйрәнүне дәвам итәбез һәм су никадәр кеше тормышына, хайваннарга, табигатькә кирәклегенә төшендек. 

Грамотага өйрәтү эшчәнлегендә хәрефләрне язарга,  авазларны ишетергә  өйрәнәбез. 

Бүген бакчабызда язның иң  беренче матур бәйрәме  8 Март Халыкара хатын - кызлар бәйрәме һәм 23 февраль - Ватанны саклаучылар көне искә алынып үтте. Балалар әти-әниләрен котлап шигырьләр, җырлар бүләк иттеләр һәм бергәләшеп күңелле уеннар уйнадылар.

23 февраль - Ватанны саклаучылар көне уңаеннан әти-әниләр ярдәмендә төрле материаллар кулланып "Мы творим чудеса" дигән конкурс игълан ителде.  Барлык әти-әниләр бу конкурста бик тырышып катнаштылар һәм бәйрәм вакытында әти-әниләр, балалар грамоталар белән бүләкләнделәр. 

Кисеп ябыштыру эшчәнлегендә  балалар әниләренә  бүләккә дип матур открыткалар ясадылар.

Балалар белән "Гражданнар оборонасы нәрсә ул?"- дигән темага әңгәмә үткәрелде. Янгын чыкса нишләргә һәм үзеңне ничек сакларга,чит кешеләр белән әңгәмә кормаска,  өйдә үзең генә калганда һәрвакыт ишекне бикләп утырырга, чит ят әйберләргә кагылмаска, тиз вакытта әти-әниеңә яки олы кешеләргә хәбәр бирергә икәне аңлатылды.

Кадерле әтиләрне, дәү әтиләрне, бабайларны һәм дә малайларны бәйрәм белән котлыйбыз! Безнен кисеп ябыштыру эшчәнлегендә ясалган кечкенә бүләгебез сезгә бәйрәм котлавы булсын. 

Әти -әниләр һәм балалар тырышлыгы белән эшләнгән күргәзмәбез. Бик матур эшләнгән эшләр. Бик зур рәхмәт Сезгә!!!