Бүген  бакчабызда  балалар  белән  әниләр  бәйрәмен  үткәрдек. Барлык  әниләргә, дәү  әниләргә  исәнлек-саулык, тазалык-байлык, гаилә бәхете, илләр  тынычлыгы, балаларының  игелекләрен  күреп, яшәүләрен  теләп  калабыз. Бәйрәм  белән  Сезне  кадерле  әниләр, дәү  әниләр, әбиләр! Без Сезне  бик  яратабыз.

Балалар  әниләр  бәйрәменә  үз  куллары  белән  матур  открыткалар  әзерләделәр.

Математика  шөгылендә  түгәрәкләрдән  әниләргә  мәрҗән  төзедек.

Саф  һавага  чыккач, балалар  белән  җепшек  кардан  кар бабайлар  әвәләдек.  Кошларны  җим  белән  сыйладык. Участоктагы  карларны  көрәргә дә  өлгердек.  

Кар бабай!

Тәгәрәтеп  ак  карны,

Ясадык  кар  бабайны.

Куйдык  кишердән  борын,

Ясадык  ике  кулын.

Балалар  үзләре  ясаган  кар  бабайларын  бик  яраттылар. Аңа  иптәшкә  тагы  кар  бабайларын ясарга  сүз  бирделәр.

Атна темасы  буенча, без  балалар  белән, юл  кагыйдәләре  һәм  транспорт  төрләре  белән  таныштык. Балалар  автобуска  утырып, сәяхәткә  бардылар. Алар  анда  светофор, полиция  хезмәткәре  белән  таныштылар. Юлда  очраган  юл  билгеләрен  балалар әйтеп  бирделәр. Шөгыль  бик  күңелле  үтте.

Геометрик фигуралардан "Дровосек" төзедек.

Кисеп-ябыштыру шөгылендә балалар татар орнаментларын кулланып,алъяпкыч һәм читек бизәделәр.Алар татар кызлары һәм малайларына хас булган сыйфатлар белән таныштылар.Татар кызларының тырыш,акыллы,оялчан,сабыр,ягымлы,нурлы,киң күңелле,итәгатьле;малайларының тырыш,батыр,курку белмәс,көчле,ярдәмчел,намуслы булырга тиеш икәнен белделәр һәм шул сыйфатларны үзләрендә дә булдырырга теләк белдерделәр.

Балалар математика шөгылен бик көтеп алалар.Монда алар юлларның озынлыгын һәм кыскалыгын,куян белән кишернең күпме булуын чагыштыралар,ел фасыллары турында һәм аларны ничә өлешкә бүлергә өйрәнәләр.

Сөйләм теле шөгылендә татар халкының гореф-гадәте,киемнәре турында сөйләштек.Татар халкына гына хас булган билгеләрне таптык."Милли киемнәр"-дидактик уенын уйнадык. "Гөлбану", "Түбәтәй"-татар халкының җырлы-биюле уеннарын башкардык.