Бу атна эчендә балалар белән әдәплелек турында, өстәл артында утыру  кагыйдәләрен, кунакка баргач үзеңне ничек тотарга икәнен сәйләштек, күп кенә мәкальләр, өйрәндек.  "Винни-Пух кунакка бара " исемле мультфильм карадык.

Беренче яуган кардан файдаланып балалар белән кардан крепость төзедек. Бааллар кар яуганга бик сөенделәр, кар бабай да ясарга өлгерделәр. Әмма балалар бер катлы сабыйлар шул икенче көнгә үк карның эреп бетәсенә бер дә ышанасылары килми.

Маһруй әбинең сандыгындагы бизәлеп бетмәгән читекләрне балалар белән татар халык орнаментлары белән матур итеп бизәдек.

"Светофор" кружогында балалар белән транспорт төрләрен искә төшердек. Элеке вакыттагы кешеләр кулланган Һава шарын кисеп ябыштырдык.

Бүген балалар урамга чыккачта "Кар яуган, кыш  килде!"-дип шатландылар, хәттә кечкенә Айдар бияләйсез карны тотып та карады. Әмма салкын кар кулларны туңдырды.

Бүген "Миләшкәй" балалар бакчасында  "Көзге уңыш бәйрәме "  булып узды. Бәйрәмгә әтиләр-әниләр килде. Бәйрәм  куянга кунакка бару белән башланып китте һәм   үзенең уеннары, табышмаклары белән көз кызы да кунакка килде. Бәйрәм бик күңелле узды.

Балалар куянкайның яңгыр килә дип,  ашыгып җыйган яшелчәләрен аерырга булышырга булдылар. 

Бик күңелле бакчада-

Алтын сары бар дөнья!

Җил яфраклар биетә.

Көз шатлана, туй итә.

Һәр көз үзенчә килә ул,

Һәр көз үзенчә матур.

Елмаешып бер биесәк.

Көзне ярату булыр.

Бу атна дәвамында  "Минем гаиләм, өем, йорт җиһазларын" өйрәндек. Балалар белән танып белү эшчәнлеге вакытында өйдәге электр җиһазларын ничек кулланырга һәм  өйдәге электр җиһазларын дөрес кулланмасаң ут чыгарырга мөмкин булуын да ачыкладык. һәм дә балалар  белән "Кем беренче янгын сүндеру машинасын"  ясый дигән уен уйнадык. 

Русс теле эшчәнлегендә балалар белән йорт хайваннарын, кыргый җәнлекләрне  өйрәнүне дәвам итек. Алар белән уен аша  хайваннарның, җәнлекләрнең  балаларының әйтелешен өйрәндек.