Әнием минем, кадерлем,

Миңа тормыш бүләк иткән,

Сөеп, иркәләп үстергән,

Ул кочаклап мине үпкән.

Бары әни, әни генә

Сабыр итеп көн күрүче.

Балалары хакларына

Көне-төне тир түгүче!

Хәерле көн, хөрмәтле әниләр!   Әниләр, бүгенге көн сезгә багышлана! Бүгенге бәйрәм сезнең барлык борчу мәшәкатьләрегезне оныттырып, яхшы кәеф алып килсен иде.

Бәйрәмнәрдә кешеләр бер-берсенә бүләкләр бирергә гадәтләнгән. Без бүген сезгә бүләкне бәйрәм башында ук бирергә булдык….

Бүген җиргә иң-иң якты,

Зур бәйрәм бүген бездә.

Әйтәсебез килә бүген

Без, сабый нәниләргә

Әниләр бәйрәме уңаеннан балалар үз куллары белән тырышып, яраткан әниләренә бүләк ясадылар. 

Әнием гел балкып тора

Күктәге йолдыз кебек.

Мин дә тырышам булырга

Газиз әнием кебек!

Иренә белми әнием,

Көн буе эшләр карый.

Күңелемне юатырга

Син бар бит әле ярый.

Өйрәтәсең һәр нәрсәгә

Зур сабырлыклар белән.

Рәхмәт әйтеп тәбриклим,

Әниләр көне белән!

Әниләрне саклыйк!

Әниемнең эше – иң изге эш,

Әниемнең сүзе – иң назлысы.

Әнием кулы – иң йомшагы,

Әниемнең йөзе – иң-иң яктысы!

Кечкенәләр дә әниләренә бүләк ясадылар.

Бу атна китап, аның кайдан килүе, китапханәче хезмәте турында  балаларның белемнәрен киңәйтү;  китапханә белән турыдан-туры таныштыру аша балаларда күзәтүчәнлек, игътибарлылык, эзлекле фикерләү  сәләтен үстерү; китапханәче һөнәренең мөһимлеген аңлату;китапханәче хезмәтенә карата ихтирам, китапханәдә үз-үзеңне тота белү сыйфатлары тәрбияләү максаты алынды.

Һәм китапларның битләре бөкләнмәсен, пычранмасын , дип балалар белән китап кыстыргычлары  ясарга булдык. 

Атна дәвамында  "Җир шары буенча сәяхәт " кылдык, бик күп төрле җәнлекләр белән, аларның яшәү рәвеше белән таныштык һәм йомгаклап көньяк, төньяк җәнлекләрен рәсемгә төшердек.