Балаларга бакчада күңеллерәк булсын дип, бакчада эшләүче апалар аларга кечкенә генә тау ясадылар һәм балалар рәхәтләнеп шудылар.

Ап-ак карлар

Әкрен генә явалар.

Чаналар белән балалар

Рәхәтләнеп тау шуалар.

Балаларны кыргый хайваннары  таныштыру,булган белемнәрен тирәнәйтү, хайваннарга сакчыл караш тәрбияләү максатыннан балалар  рәсем шөгыльлендә үзләренә охшаган җәнлек ясадылар.

"Кышлаучы кошлар" атналыгын йомгаклап бакчабызда "Кошлар- безнең дусларыбыз!" исемле викторина үткәрдек. Балалар янына кунакка куян кызы килде һәм кошлар белән танышасы килгәнен әйтте. Балалар викторина барышында уеннар уйнадылар, кошларның сайравын тыңлап кайсы кош икәнен әйттеләр, табышмаклар чиштеләр.

1. Гөлдерү-гү, гөлдерү-гү, Кызыл тәпи- кемдер бу? (күгәрчен) 

2. Кигән киеме чуар, 
-Чык-чырыйк, дип чырылдар, 
Борчак җыяр, кырда кунар.(чыпчык) 
3. Үзе аклы-каралы 
Озын һәм җиз койрыклы. 
Җәен-далада, 
Кышын- калада.(саескан) 
4. Кара жилет, сары күлмәк, 
Кара бүреген кияр, 
Бертуктаусыз: "Сип, сип”,-дия 
Нәрсә сибик, кем белә?( песнәк) 

Кечкенәләр дә тик тормыйлар, аларда пластилин кулланып саескан әвәләделәр.

Ялтыравык әйберләрне 

Ташый ул оясына

“Карак” дигән яман аты 

Чыккандыр менә шуңа

Күргәнем бар минем аның

Ул йомырка эчкәнен

Беләсеңме син бу кошны

Ни исемле икәнен

Менә шушындый табышмак белән әвәләү  эшчәнлеген  башлап, пластилиннан картина ясадык. 

Урамнарга, бакчаларга,

Урман, кырлар өстенә

Ак мамыктай күбәләк кар

Төшә дә төшә генә.

Яңа яуган кар шыгырдый,

Өстенә баскан саен,

Курыкмыйча каршылыйбыз

Салкын кыш аен.

Урамга чыктык шаулашып,

Йортлардан чана тартып;

Уйныйбыз учта йомарлап,

Юеш кар тубы атып.

Балаларда кошларга сакчыл караш тәрбияләү, ярдәм итәргә теләк тудыру.Рәсемнең эчтәлеге буенча бирелгән сорауларга дөрес, ашыкмыйча, башкалар ишетерлек һәм аңларлык итеп җавап бирү күнекмәләрен үстерү. И.Н.Мурашковска методикасы буенча, рәсемгә карап, хикәя төзеп сөйләргә өйрәтү максатыннан чыгып рәсем буенча хикәя төзергә өйрәнәбез.

"Кошларны аер" уены аша кышлаучы кошларны танырга өйрәнәбез.

Бу атна эчендә балалар белән  кошларга карата сакчыл караш уяту, сөйләм үстерү күнекмәләре формалаштыру, сүз байлыгын арттыру, рәсем сәнгатенә кызыксыну уяту, төсләрне тоярга өйрәтү максатыннан  кышлачы кошлар турында сөйләшербез һәм зурлар белән кышлаучы кошларның иң матур кош карабүрекне рәсемгә төшердек.