"Бездә хокуклы" атналыгы башланып китте. Балалар үзләренең яраткан гаиләләрен рәсемгә төшерделәр.

Җирдә мин ни кирәк?

Әти дә әни кирәк!

Җирдә миңа ни кирәк?

Без яшәгән өй кирәк!

Әти дә әни кирәк!

Без яшәгән өй кирәк!

"Спорт -сәламәтлек чыганагы"  атналыгын йомгаклап бакчабызда күңелле стартлар үтте. Балалар белән ике командага бүленеп мәктәп спортзалында ярыштык. Балаларга ярышу бик ошады, хәттә кечкенәләр дә зурлардан калышмыйча бер рәттән алар белән йөгерделәр, сикерделәр, үрмәләделәр. 

Көн, нык булып, чыныгып

Үсәсем килә тизрәк.

...Туган илне сакларга да,

Туган телне якларга да

Сәламәт акыл кирәк. 

 Бүген безнең иң кечкенә малаебыз Рәсүлгә 3 яшь тулды.

Рәсүл! Сине чын күңелебездән туган көнең белән котлыйбыз. Сиңа саулык-сәламәтлек, шатлык-куанычлар, бәхетле булып үсүеңне телибез.

Иң матур теләкләр белән бакчадагы дусларың һәм апаларың.

Бүген бакчабызда гомуми ата-аналар җыелышы булып узды. Мөдир Каюмова Г.Х. әти-әниләрне алда торган бурычлар белән таныштырды. Тәрбияче Хаҗиева А.М. һәм Завод Нырты урта мәктәбенең тәрбия эшләре буенча директор урынбасары Хасанова Е.В. һәр балага аерым тукталып, анализ ясадылар, әти-әниләргә үзләренең киңәшләрен биреп, кайсы юнәлештә эшне алып барарга кирәклеген аңлаттылар. Булган проблемаларны, сорауларны уртага салып киңәштек. Җыелыш бик эчтәлекле һәм файдалы булды.