"Спорт -сәламәтлек чыганагы"  атналыгын йомгаклап бакчабызда күңелле стартлар үтте. Балалар белән ике командага бүленеп мәктәп спортзалында ярыштык. Балаларга ярышу бик ошады, хәттә кечкенәләр дә зурлардан калышмыйча бер рәттән алар белән йөгерделәр, сикерделәр, үрмәләделәр. 

Көн, нык булып, чыныгып

Үсәсем килә тизрәк.

...Туган илне сакларга да,

Туган телне якларга да

Сәламәт акыл кирәк. 

 Бүген безнең иң кечкенә малаебыз Рәсүлгә 3 яшь тулды.

Рәсүл! Сине чын күңелебездән туган көнең белән котлыйбыз. Сиңа саулык-сәламәтлек, шатлык-куанычлар, бәхетле булып үсүеңне телибез.

Иң матур теләкләр белән бакчадагы дусларың һәм апаларың.

Бүген бакчабызда гомуми ата-аналар җыелышы булып узды. Мөдир Каюмова Г.Х. әти-әниләрне алда торган бурычлар белән таныштырды. Тәрбияче Хаҗиева А.М. һәм Завод Нырты урта мәктәбенең тәрбия эшләре буенча директор урынбасары Хасанова Е.В. һәр балага аерым тукталып, анализ ясадылар, әти-әниләргә үзләренең киңәшләрен биреп, кайсы юнәлештә эшне алып барарга кирәклеген аңлаттылар. Булган проблемаларны, сорауларны уртага салып киңәштек. Җыелыш бик эчтәлекле һәм файдалы булды.

Бу атна эчендә балалар белән әдәплелек турында, өстәл артында утыру  кагыйдәләрен, кунакка баргач үзеңне ничек тотарга икәнен сәйләштек, күп кенә мәкальләр, өйрәндек.  "Винни-Пух кунакка бара " исемле мультфильм карадык.

Беренче яуган кардан файдаланып балалар белән кардан крепость төзедек. Бааллар кар яуганга бик сөенделәр, кар бабай да ясарга өлгерделәр. Әмма балалар бер катлы сабыйлар шул икенче көнгә үк карның эреп бетәсенә бер дә ышанасылары килми.

Маһруй әбинең сандыгындагы бизәлеп бетмәгән читекләрне балалар белән татар халык орнаментлары белән матур итеп бизәдек.