Яңе ел бәйрәменә әти-әниләр генә түгел хәттә чегән кызлары, Мальвина һ.б. да килгәннәр иде.

  Декабрь ае башлануга "Иң үзенчәлекле чыршы" дип аталган конкурс игълан иттек. Конкурсның максаты: әти-әниләрнең балалар белән берлектә эшләүләре, бәйрәм рухын булдыру иде. Максатыбызга ирештек дип уйлыйбыз. Бер генә әти-әнидә читтә калмады, төрле табигәть материалларын кулланып берсеннән берсе матур, кызыклы, үзенчәлекле чыршылар ясап куйдылар. Алар арасында чыршы күркәсеннән, каз каурыеннан, макароннан, ефәк тасмадан, төрле җепләрдән бәйләнгән, янып тора торган, хәттә баллы чыршыда бар иде. Хезмәтләрен куйган, бәйрәмгә тагыда матур ямь өстәгәннәре өчен барлык әти-әниләргә, балаларга рәхмәтебезне җиткерәбез. Алга таба да уңышлар телибез!

Бүген балалар шигырләр, җырлар өйрәнеп утырган җирләреннән сикерешеп торып "Кыш бабай килгән"- дип, кычкырганнарын сизми дә калдылар, чөнки тәрәз каршында сәлам биргән Кыш бабайны күрделәр. 

Котлап бөтен кешеләрне
Яңа ел белән,
Җилдереп кенә пар атта,
Кыш бабай килгән.

Зур капчык салган чанага,
Ә анда бүләк:
Уенчык төлке, аюлар,
Бизәкле чиләк.

Кыш бабай килә җилдереп,
Капчык кулында.
Кар бураннар тузып кала
Аның юлында.

Ел саен  бакча яныбыз матур булсын дип, кар сыннары әвәлибез, әмма быел кар бабай, кар әби, кар малай гына кунакка килделәр. Балалар шатланышып алар янында фотога да төштеләр.  

Балаларга бакчада күңеллерәк булсын дип, бакчада эшләүче апалар аларга кечкенә генә тау ясадылар һәм балалар рәхәтләнеп шудылар.

Ап-ак карлар

Әкрен генә явалар.

Чаналар белән балалар

Рәхәтләнеп тау шуалар.

Балаларны кыргый хайваннары  таныштыру,булган белемнәрен тирәнәйтү, хайваннарга сакчыл караш тәрбияләү максатыннан балалар  рәсем шөгыльлендә үзләренә охшаган җәнлек ясадылар.

"Кышлаучы кошлар" атналыгын йомгаклап бакчабызда "Кошлар- безнең дусларыбыз!" исемле викторина үткәрдек. Балалар янына кунакка куян кызы килде һәм кошлар белән танышасы килгәнен әйтте. Балалар викторина барышында уеннар уйнадылар, кошларның сайравын тыңлап кайсы кош икәнен әйттеләр, табышмаклар чиштеләр.

1. Гөлдерү-гү, гөлдерү-гү, Кызыл тәпи- кемдер бу? (күгәрчен) 

2. Кигән киеме чуар, 
-Чык-чырыйк, дип чырылдар, 
Борчак җыяр, кырда кунар.(чыпчык) 
3. Үзе аклы-каралы 
Озын һәм җиз койрыклы. 
Җәен-далада, 
Кышын- калада.(саескан) 
4. Кара жилет, сары күлмәк, 
Кара бүреген кияр, 
Бертуктаусыз: "Сип, сип”,-дия 
Нәрсә сибик, кем белә?( песнәк)