Әниләр бәйрәме уңаеннан балалар үз куллары белән тырышып, яраткан әниләренә бүләк ясадылар. 

Әнием гел балкып тора

Күктәге йолдыз кебек.

Мин дә тырышам булырга

Газиз әнием кебек!

Иренә белми әнием,

Көн буе эшләр карый.

Күңелемне юатырга

Син бар бит әле ярый.

Өйрәтәсең һәр нәрсәгә

Зур сабырлыклар белән.

Рәхмәт әйтеп тәбриклим,

Әниләр көне белән!

Әниләрне саклыйк!

Әниемнең эше – иң изге эш,

Әниемнең сүзе – иң назлысы.

Әнием кулы – иң йомшагы,

Әниемнең йөзе – иң-иң яктысы!

Кечкенәләр дә әниләренә бүләк ясадылар.

Бу атна китап, аның кайдан килүе, китапханәче хезмәте турында  балаларның белемнәрен киңәйтү;  китапханә белән турыдан-туры таныштыру аша балаларда күзәтүчәнлек, игътибарлылык, эзлекле фикерләү  сәләтен үстерү; китапханәче һөнәренең мөһимлеген аңлату;китапханәче хезмәтенә карата ихтирам, китапханәдә үз-үзеңне тота белү сыйфатлары тәрбияләү максаты алынды.

Һәм китапларның битләре бөкләнмәсен, пычранмасын , дип балалар белән китап кыстыргычлары  ясарга булдык. 

Атна дәвамында  "Җир шары буенча сәяхәт " кылдык, бик күп төрле җәнлекләр белән, аларның яшәү рәвеше белән таныштык һәм йомгаклап көньяк, төньяк җәнлекләрен рәсемгә төшердек.

Бүген балалар белән агачка җимлек элдек.Табышмаклар аша балалар  кышлаучы  кошлар  белән  таныштылар.  Кошларга бик күп  кирәкми,  кемдер  җим,  кемдер  икмәк  валчыгы  алып  килергә , дип балалар белән сөйләштек.  Күпме  кошны  ачлыктан  коткарып калып  була. Менә  шулай  ярдәм  иткәндә генә,  безнең  нәни  дусларыбыз  исән  кала. һәр кош үзенең көченнән килгәнчә урман һәм авыл хуҗалыгы өчен бик зур файда китерә, корткычлардан, пычранудан саклый. Матур сайраулары белән күңелебезне күтәрә. Шуңа күрә һәрберебез аларга ярдәм итик. Аларны саклыйк.

Урамда салкын, диләр,

Бик тә өшетә, диләр.

Урамга аның үзен

Күрергә чыктык бездә .

Тун кидек, шарф яптык,

Күп йөрдек урамда.

Көтә-көтә салкынны,

Туңып беттек урамда.

Бу атна эчендә балалар белән “Җир шары буенча сәяхәткә” (Себер, Көньяк, Африка темалары берләшә) чыгарбыз. Балаларны төньяк һәм көньяк илләре, анда яшәүче халыклар, хайваннар, үсемлекләр, карта һәм глобус белән танышу максаты итеп алынды.