Кешенең иң матур истәлекләре, иң изге хыяллары, иң күңелле, шатлык-куанычлы вакыты - аның балачагы. Менә шушы матур  истәлекләр арасында балалар бакчасы  булып тора, дип уйлыйм. Безнең  балалар белән балалар бакчасында менә шушындый күңелле вакытларыбыз да була. Шушы шатлыклы киләчәгебез якты, матур,  шатлык-куанычтан гына торсын иде. Балачак бер генә вакыт. Без барыбызда шуны онытмыйк.

Балалар белән  әдәби викторина "Мультфильмда кунакта" үткәрелде. Балалар  викторина ярдәмендә Г.Тукайның  әсәрләрен яңадан бер кат искә төшерделәр, мультфильм карау бер яктан  яхшы нәрсәләргә өйрәткәнен,  әмма озак карарга ярамаганлыгын да белделәр .

Быел Г.Тукайның тууна 130 ел. Бу атна эчендә балалар белән Г.Тукайның  әкиятләре, шигырьләре, җырлары, аның тормыш юлы белән танышу өстендә эшлибез. Балаларның игътибарлылыкларын, хәтерләрен, фикерләү сәләтен үстерүне бурыч итеп куйдык.  

Бүген Айзатның туган көне. Аңа 3яшь тулды. Айзат, сине туган көнең  белән котлап иң изге, якты , матур теләкләребезне юллыйбыз.Сиңа ныклы сәламәтлек, тазалык, озын гомер, ак бәхетләр, көчле рухлы булып үсүеңне теләп калабыз. Иң изге теләкләр белән дусларың һәм апаларың.

Айзат үзенең шатлыгы белән уртаклашты һәм  балаларга бүләкләр өләште.

Бүгенге рәсем эшчәнлегендә балалар Г. Тукайның  "Бала белән Күбәләк"  җырыннан кунакка килгән күбәләккә бүләккә дип чәчәкле алан ясадылар. Күбәләк аларга зур рәхмәтен һәм яңадан кунакка киләчәген әйтте. 

Республика буенча "Спортивный Татарстан" исемле  акция бара .Бүген  безнең  балалар бакчасы балалары да читтә калмады,  мәктәптә булып узган "Күңелле стартлар" ярышында  бик теләп  катнаштылар. Аларга физкультура укытучысы Гөлнара Зарипова бик күп төрле ярышлар уздырды. Балалар ярышлардан бик канәгать  булдылар.

Балалар йолдызлардан чүмеч йолдызны җыялар.

Мәктәпкә әзерлек төркеме балалары һәр атна саен мәктәп белән танышуларын дәвам итәләр һәм бездә математика эшчәнлегендә  дәфтәрдә эшләвебезне көннән-көн яхшырта барабыз. Балалар белән математик диктантлар, күчереп ясауларны, мисаллар чишүне теләп эшлибез. 

Бу атна башыннан ук  балалар белән галәмнең нәрсә икәнен, күк җисемнәрен, беренче космоска очкан Белка, Стрелка исемле этләр белән таныштык һәм  Юрий Гагарин турында белемнәрне ныгыту өстендә эшләдек.