Бүген әвәләү эшчәнлегендә балалар белән А.Алишның "Куян кызы", "Чукмар белән Тукмар"  һәм  "Бикбатыр һәм Биккуркак"  әкиятләреннән яраткан персонажларыбызны әвәләдек.  

Әвәләгән геройларыбыз бик матур килеп чыкты. 

Бар җирне  тузганак чәчәге каплаган, бөтен тирә-як алтынга төренгән төсле. 

Бу атна дәвамында максат итеп  А.Алиш әкияте буенча балаларда әхлакый сыйфатлар (серне саклый белү, иптәшләреңне авыр хәлдә калдырмау сыйфатларын) тәрбияләү.  Балаларда  әкиятнең  төп  идеясен  аңларга,  әкият геройларының кылган эшләренә дөрес бәя бирә белү  әкият персонажларына уңай караш тәрбияләү алымнары алынды.

Бүген Рәнифнең туган көне. Аңа 5 яшь тулды. Рәниф сине туган көнең белән котлыйбыз. Сиңа шомырт чәчәгедәй ак бәхет, озын гомер, шатлык -куаныч, исәнлек-саулык, әти-әниеңнең иң яраткан уллары булуыңны телибез. Иң изге теләкләр белән  бакчадагы эшләүче барлык апаларың һәм дусларың.

Күкләребез аяз, туган җирләребез тыныч, көннәребез матур һәм шушындый матур лалә чәчәкләре арасында  балачагыбыз тыныч кына үтсен.

Бу атна эчендә балалар белән туган ил, Ватан һәм илебезнең батырлары турында күп сөйләштек. Менә бүгендә балаларны үзебезнең авылдашыбыз, мәктәбебезнең исемен йөрткән Бөек Ватан сугышында батырларча һәлак булган Иван Сергеевич Башкиров белән таныштыруыбызны дәвам иттек.

Бүген балалар белән  кисеп ябыштыру эшчәнлегендә тынычлык күгәрченнәрен ябыштырдык һәм Җиңү бәйрәме-9 май турында сөйләштек.

  Бүгенге максатыбыз балаларда патриотик хисләр, туган якка, туган телгә, Ватанга мәхәббәт тәрбияләү туган ил һәм дөньядагы вакыйгалар белән кызыксынучанлыкны үстерү. Сугышчыларыбызның Бөек Ватан сугышында күрсәткән батырлыклары турында балаларның белемнәрен арттыру.