Сәламәт тәндә –  сәламәт акыл.

Спорт безнең дустыбыз.

Күнегүләр ясый-ясый

Чыныга тән, рухыбыз - дип, атнага өч тапкыр физкультура белән шөгыльләнәбез. 

Бу атна дәвамында балалар  көз күчтәнәчләре белән танышуны дәвам итәләр һәм рәсем вакытында балалар алмаларның төрләрен өйрәнеп алмалар ясарга өйрәнделәр.

Һәр көнне иртән, гимнастика ясыйбыз.

Балаларның вак моторикасын үстерү бик мөһим. Шуңа күрә дә балалар  кечкенә ЛЕГОларны бик теләп тезеп уйныйлар.

Режим момент вакытларында балалар белән рәсемнәр ясарга яратабыз. 

Бүген кисеп ябыштыру эшчәнлегендә балалар белән барлык көзге төсләрне кулланып һәм симметрияле формалар кисүнең яңа ысулы белән танышып вазага көзге яфрак бәйләме урнаштырдык. Бәйләмебез бик матур килеп чыкты.

Бүген бакчабызда корбан ашы булып узды. Олы- Нырты мәчете иман - хатибы Мансур ага балаларга вәгазьләр сөйләде. Балаларга әти-әниләренең, бакчадагы апаларның сүзләрен тыңларга, кечеләрне кыерсытмаска, акыллы, тыйнак, матур, сабыр, тәртипле, эш сөючән булырга өндәде.

Бүген Чулпанның туган көне! Чулпан сине чын күңелебездән туган көнең белән котлыйбыз. Сиңа корычтай нык сәламәтлек, тазалык-байлык, озын гомер, ак бәхет  һәрвакыт матур, тыйнак, акыллы булуыңны теләп синең дусларың һәм бакчадагы апаларың.

Чулпан үзенең шатлыгы белән уртаклашып балаларга шарлар алып килде һәм без рәхәтләнеп шарларны очыртып уйнадык.

Бакчабызда ял итергә дә, рәхәтләнеп ЛЕГО белән уйнарга да  вакыт табабыз.