Бүген Искәндәрнең туган көне. Аңа 6 яшь тулды. Искәндәр сине туган көнең белән котлыйбыз.Сиңа корычтай нык сәламәтлек, шомырт чәчәгедәй ак бәхет, озын гомер, шатлык-куанычлар, әти-әниеңнең  ярдәмчесе булып үсүеңне теләп бакчадагы дусларың һәм апаларың.

Без бүген атна башын үзебезнең туган як урманнарының байлыгын, матурлыгын өйрәнә башладык. Балалар урман катнаш, ылыслы, яфраклы булуын, урманны якларга, сакларга, кирәклеген белделәр. Урманнарыбыз булмаса табигатебезнең чисталыгы бетәчәген, матурлыкның яме булмавын аңладылар.

Бу атна эчендә шәфкатьлелек атнасы узып бара. Без бүген балалар белән китапханәче Люция апа янында бу сүзнең мәгънәсенә яңадан бер кат төшендек. Балалар бик күп ягымлы сүзләр ярдәмендә дусларыңа, әти-әниеңә, якыннарыңа карата шәфкатьчел, бер вакытта да бер-береңне рәнҗетмәскә, дус- тату булырга кирәклеген аңладылар.

Балаларны  Люция апалары бер дә буш калдырмады, бик күп укысыннар, матур  язсыннар, дип аларга матур китапчыклар һәм альбомнар  өләште.

Без Тукай абыйның шәкертләре һәм без аны һәр елны искә алабыз, зурлап шигырьләр, җырлар өйрәнеп кичәләр уздырабыз. Менә бүген дә Г.Тукайның әсәрләрен искә төшереп  "Кәҗә белән сарык" әкиятен уйнап алырга булдык. Менә безнең бүреләребез дә учак янына җыелганнар.

Озак та үтмәде учак янына зур капчыкларын күтәреп, кәҗә белән сарык якынлашты.

Балаларга әкиятне уйнавы бик ошады, аларның хәтта кире бакчага кайтасылары да килмәде.

Люция апа балаларга  Г.Тукай әкиятләреннән торган мультфильмнар да күрсәтте.

Бүген Гаделнең туган көне. Аңа 6 яшь тулды. Гадел, сине туган көнең белән котлыйбыз. Сиңа аяз күк йөзе, корычтай нык сәламәтлек, кояштай озын гомер, чиксез шатлыклар телибез. Сабыр холыклы, мәрхәмәтле, ярдәмчел, ачык йөзле, олы йөрәкле булып кал. Иң изге теләкләр белән апаларың һәм дусларың.

Гаделне туган көн белән котлап "Ак калач" җырын җырладык