Мәктәбебездә Европа иммунлаштыру атналыгы кысаларында чаралар узды. Кече Кибәче авылы фельдшеры  Гараева И.Н. укучылар белән очрашып, укучыларга төрле авыруларны вакытында кисәтү, инфекцион авырулардан саклану өчен иммунлаштыруның ни дәрәҗәдә мөһимлеге турында сөйләде. Һәркемне үз сәламәтлекләренә җаваплы карарга, сәламәт тормыш рәвеше алып барырга өндәде.

В школе была организована выставка литературы, приуроченная к Всемирному дню памяти жертв СПИДа.

15 май-Халыкара гаилә көне. Шул уңайдан бүген мәктәбебездә класс сәгатьләре узды.  6 класс укучылары  идеаль гаилә моделе төзеделәр,  7 класста  һәркем үз гаиләсе  белән таныштырды, 9 класс укучылары гаиләнең иң зур байлык булуын үзләренең иҗади эшләрендә тасвирлады. Һәр класста әлеге тема буенча сөйләшүләр узды, балалар матур һәм тату гаиләләрдә үсүнең зур бәхет икәнлеген үз чыгышларында чагылдырып, әти-әниләренә, туганнарына сәламәтлек, озын гомер теләделәр.

11 май көнне фән олимпиадаларында яхшы нәтиҗәләргә ирешкән укучыларыбыз һәм укытучыларыбыз район күләмендә узган зур бәйрәмдә - олимпиада җиңүчеләрен бүләкләү тантанасында катнаштылар.  2016-2017нче уку елында Олы Кибәче урта мәктәбенең Бөтенрәсәй һәм республика олимпиадалары район этабында 13 җиңүчесе, 14 призеры, республика этабында 1 җиңүче һәм 4 призеры, татар теленнән узган Халыкара олимпиадада 1 җиңүчесе булды. Мәктәбебез олимпиадаларга әзерлек буенча  район күләмендә 1нче урынга лаек булды. Укучыларны, укытучылар һәм әти-әниләрне Саба муниципаль районы башлыгы Миннеханов Р.Н. үзе тәбрикләп, аларга алга таба да уңышлар теләде, премияләр тапшырды. Фәннәрне тирәнтен үзләштерүдә зур тырышлык куйган укучыларга, аларны әзерләгән укытучыларга, укучыларга көч биргән әти-әниләргә һәм сәләтле балаларга зур мөмкинлекләр  тудырган, аларны тагын да зуррак җиңүләргә рухландырган район җитәкчелегенә зур РӘХМӘТ!

 Төбәк авылында  Бөек Җиңүнең 72 еллыгына багышланган тантаналы митинг узды. . Бу авылдан Бөек Ватан сугышына 142 кеше киткән, шуларның 79ы яу кырларында ятып калган.  Көн яңгырлы булса да,  авылдашлар  һәйкәл янына җыелдылар. Сугыш ветераннары истәлегенә куелган һәйкәл-обелискка веноклар куелды, сугыш каһарманнары бер минутлык тынлык белән искә алынды, укучылар үз чыгышларында шушы чорның барлык авырлыгын күргән кешеләргә рәхмәт белдерделәр, илебезгә иминлек теләделәр.

Олы Кибәче авыл җирлегеннән Бөек Ватан сугышына  393 кеше киткән, 221 авылдашыбыз илебез азатлыгы өчен сугыш кырларында башын салган.  Бүген сугышта һәлак булган авылдашларыбызны искә алып, алар хөрмәтенә куелган һәйкәл-обелискка веноклар салынды.

Олы Кибәче авылында сугыштан исән-сау кайтып, сугыш җимерекләрен торгызуда көчен кызганмаган, сугыштан соңгы авыр еллар хәсрәтен үз җилкәләрендә күтәргән, бүгенге көндә вафат булган  109 авылдашыбыз хөрмәтенә  һәйкәл-обелиск  куелган. Бүген бу һәйкәлгә дә веноклар салынды. Укучылар сугыш һәм тыл  ветераннарын искә алдылар.

Бөөк Җиңүнең 72 еллыгына багышланган тантаналы митинг узды. Бүгенге көндә авылыбызда ике сугыш ветераны яши. Альмиев Хаҗиәхмәт, Абдуллин Мөбәрәк абыйлар митингта катнашып,  укучыларга, укытучыларга, авыл халкына изге  теләкләрн җиткерделәр. Укучылар алар хөрмәтенә матур чыгышларын бүләк иттеләр. Чыгышлар "Бәхетле киләчәк без телибез җирдә" диеп "Тынычлык"  җыры белән тәмамланды.

29 апрель көнне "Агач утырт" акциясе кысаларында мәктәп территориясенә 170 төп җиләк - җимеш, нарат  үсентеләре утыртылды.

Бүген мәктәбебездә язгы өмә эшләре гөрләде.  Мәктәп тирәләре  чистартылды, мәктәп яны тәҗрибә участогы тәртипкә китерелде. Өмәдән соң тирә - ягыбыз чистарып калды.