Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе»
Визитная карточка
Адрес: | 422065, Республика Татарстан, Сабинский район, с.Большие Кибячи, ул.Ф.Энгельса, д.75 |
Телефон: | +7(843)-624-26-67 |
E-Mail: | kibichisaba@yandex.ru |
Министерство: | Министерство образования и науки Республики Татарстан |
Короткое название: | МБОУ "Большекибячинская СОШ" |
Руководитель: | Шаймиев Ильнар Ильшатович |
Год основания учреждения: | 1992 |
У нас учатся: | 79 учащихся |
У нас учат: | 21 учитель |
Муниципальное бюджетное общеобразовательное учреждение «Большекибячинская средняя общеобразовательная школа Сабинского муниципального района Республики Татарстан" /Муниципаль бюджет гомумбелем учреждениесе «Татарстан Республикасы Саба муниципаль районы Олы Кибәче урта гомумбелем бирү мәктәбе» - новости
Страницы: << 111 112 113 114 115 116 117 118 ( 119 ) 120 >>
-
Гаилә көненә багышланган чаралар 15.05.2017
15 май-Халыкара гаилә көне. Шул уңайдан бүген мәктәбебездә класс сәгатьләре узды. 6 класс укучылары идеаль гаилә моделе төзеделәр, 7 класста һәркем үз гаиләсе белән таныштырды, 9 класс укучылары гаиләнең иң зур байлык булуын үзләренең иҗади эшләрендә тасвирлады. Һәр класста әлеге тема буенча сөйләшүләр узды, балалар матур һәм тату гаиләләрдә үсүнең зур бәхет икәнлеген үз чыгышларында чагылдырып, әти-әниләренә, туганнарына сәламәтлек, озын гомер теләделәр.
-
Олимпиада җиңүчеләре бүләкләнде
11.05.2017
11 май көнне фән олимпиадаларында яхшы нәтиҗәләргә ирешкән укучыларыбыз һәм укытучыларыбыз район күләмендә узган зур бәйрәмдә - олимпиада җиңүчеләрен бүләкләү тантанасында катнаштылар. 2016-2017нче уку елында Олы Кибәче урта мәктәбенең Бөтенрәсәй һәм республика олимпиадалары район этабында 13 җиңүчесе, 14 призеры, республика этабында 1 җиңүче һәм 4 призеры, татар теленнән узган Халыкара олимпиадада 1 җиңүчесе булды. Мәктәбебез олимпиадаларга әзерлек буенча район күләмендә 1нче урынга лаек булды. Укучыларны, укытучылар һәм әти-әниләрне Саба муниципаль районы башлыгы Миннеханов Р.Н. үзе тәбрикләп, аларга алга таба да уңышлар теләде, премияләр тапшырды. Фәннәрне тирәнтен үзләштерүдә зур тырышлык куйган укучыларга, аларны әзерләгән укытучыларга, укучыларга көч биргән әти-әниләргә һәм сәләтле балаларга зур мөмкинлекләр тудырган, аларны тагын да зуррак җиңүләргә рухландырган район җитәкчелегенә зур РӘХМӘТ!
-
Төбәк авылында тантаналы митинг 08.05.2017
Төбәк авылында Бөек Җиңүнең 72 еллыгына багышланган тантаналы митинг узды. . Бу авылдан Бөек Ватан сугышына 142 кеше киткән, шуларның 79ы яу кырларында ятып калган. Көн яңгырлы булса да, авылдашлар һәйкәл янына җыелдылар. Сугыш ветераннары истәлегенә куелган һәйкәл-обелискка веноклар куелды, сугыш каһарманнары бер минутлык тынлык белән искә алынды, укучылар үз чыгышларында шушы чорның барлык авырлыгын күргән кешеләргә рәхмәт белдерделәр, илебезгә иминлек теләделәр.
-
Һәйкәлләргә веноклар салынды 08.05.2017
Олы Кибәче авыл җирлегеннән Бөек Ватан сугышына 393 кеше киткән, 221 авылдашыбыз илебез азатлыгы өчен сугыш кырларында башын салган. Бүген сугышта һәлак булган авылдашларыбызны искә алып, алар хөрмәтенә куелган һәйкәл-обелискка веноклар салынды.
-
Һәйкәлләрдә ил хәтере 08.05.2017
Олы Кибәче авылында сугыштан исән-сау кайтып, сугыш җимерекләрен торгызуда көчен кызганмаган, сугыштан соңгы авыр еллар хәсрәтен үз җилкәләрендә күтәргән, бүгенге көндә вафат булган 109 авылдашыбыз хөрмәтенә һәйкәл-обелиск куелган. Бүген бу һәйкәлгә дә веноклар салынды. Укучылар сугыш һәм тыл ветераннарын искә алдылар.
-
Җиңү бәйрәме 08.05.2017
Бөөк Җиңүнең 72 еллыгына багышланган тантаналы митинг узды. Бүгенге көндә авылыбызда ике сугыш ветераны яши. Альмиев Хаҗиәхмәт, Абдуллин Мөбәрәк абыйлар митингта катнашып, укучыларга, укытучыларга, авыл халкына изге теләкләрн җиткерделәр. Укучылар алар хөрмәтенә матур чыгышларын бүләк иттеләр. Чыгышлар "Бәхетле киләчәк без телибез җирдә" диеп "Тынычлык" җыры белән тәмамланды.
-
"Агач утырт" акциясе 29.04.2017
29 апрель көнне "Агач утырт" акциясе кысаларында мәктәп территориясенә 170 төп җиләк - җимеш, нарат үсентеләре утыртылды.
-
Өмә 29.04.2017
Бүген мәктәбебездә язгы өмә эшләре гөрләде. Мәктәп тирәләре чистартылды, мәктәп яны тәҗрибә участогы тәртипкә китерелде. Өмәдән соң тирә - ягыбыз чистарып калды.
-
Без-Тукайлы халык
26.04.2017
Бөек шагыйрь Габдулла Тукайның 131 еллыгы уңаеннан мәктәптә төрле чаралар узды. Китап күргәзмәсе оештырылды, Тукай әсәрләренә иң матур рәсем ясаучылар ачыкланды. "Без-Тукайлы халык" дип исемләнгән чарада укучыларның шагыйрь иҗатын, аның тормыш юлын ни дәрәҗәдә белүләре тикшерелде. Соңыннан укучылар Тукай шигырьләрен сәнгатьле сөйләп, аның талантына соклануларын белдерделәр. Әлеге чара "Туган тел" җырын бергәләп башкару белән тәмамланды.
-
Тапкыр Кәҗә турында әкият 25.04.2017
Бүген Сабир Өметбаев исемендәге Минзәлә татар дәүләт драма театры артистлары Габдулла Тукайның 131 еллыгы уңаеннан чара уздырдылар. Укучылар Г.Тукайның тормыш юлына , иҗатына багышланган сорауларга җавап бирделәр, шигырьләр сөйләделәр. Бөек шагыйребез әкиятенә нигезләнеп эшләнгән "Тапкыр Кәҗә турында әкият" курчак театрын балалар рәхәтләнеп карадылар, әкият геройлары белән бергә сөенделәр һәм көенделәр. Балаларга бу искиткеч чараны авылдашыбыз, эшмәкәр Шафиков Рифкат абый бүләк итте. Минзәлә татар дәүләт драма театры артистларына һәм Рифкат абыйга тирән рәхмәтләребезне җиткерәбез, саулык-сәламәтлек, иҗади уңышлар телибез.