Бүген 1-5 класс укучыларының  Яңа ел бәйрәме узды. Зал уртасында утырган гүзәл чыршы тирәсе балаларның күңелле җырлары, күмәк биюләре белән яңгырап торды. Төрле каршылыкларга очраган Кыш бабай белән Кар кызы да, укучылар ярдәме белән бәйрәмгә килеп җитте. Аларның күчтәнәчләре һәркемгә җитәрлек иде. Балалар рәхәтләнеп күңел ачтылар.

6-11 класс укучылары өчен оештырылган Яңа ел бәйрәме "Яңа ел могҗизасы" дип исемләнде. Бәйрәм могҗизаларга бай булды. 19нчы гасыр балы белән башланып киткән  тамаша төрле күңелле биюләр, матур җырлар белән дәвам итте. Заманча Кыш бабай килеп, укучыларны күңел ачтырды. Икенче ел өчен дә  үз координаталарын калдырды, хәтта.  Укытучылар һәм әти-әниләр тарафыннан әзерләнгән чыгышлар бәйрәмне тагын да бизәде.

"Яңа ел могҗизасы" тамашасында маскарад костюмнары парады  узды. Һәр класс төрле үзенчәлекле костюмнар әзерләп, аларны тамашачыга тәкъдим итте.

Яңа ел бәйрәмендә укучыларга  ГТО значоклары тапшырылды.  

Укучыларыбыз олимпиадаларның район этабында барлыгы 31 урын яуладылар.  Яңа ел бәйрәмендә укучыларга, аларны әзерләгән укытучыларга, әти-әниләргә Рәхмәт хатлары, Грамоталар тапшырылды. Республика этабында да уңышлар телибез укучыларга!

Яңа ел якынлашкан көннәрдә мәктәп тирәсе әкият дөньясына әйләнә. Кар сыннары тирәсендә балалар рәхәтләнеп күңел ача,  авыл халкы матурлыкка соклана.

Яңа ел бәйрәмнәре якынлашкан бу көннәрдә мәктәбебездә бәйрәм рухы сизелә. Урамда кар сыннары каршы алса, мәктәпкә керүгә Чыршыкай җемелдәп утыра. Бүген Кыш бабай балаларга бүләкләр таратты.  Якынлашып килүче Яңа ел белән!