13 декабрьдә мәктәбебездә  "Информатика дәресләрендә , информацион технологияләр кулланып, универсаль укыту гамәлләре формалаштыру" темасы буенча информатика укытучыларының район семинары узды. Информатика укытучысы Ильясова Р. Г.  9 класста "Логик функцияләр" темасына практик дәрес, 7 класста  "График редактор тирәлегендә  ирекле темага модель төзү" темасына дәрестән тыш эшчәнлек шөгыле уздырды.  Укучылар үзләренең әлеге фән буенча төрле бәйгеләрдә катнашкан  иҗади эшләрен тәкъдим итте. Соңыннан   информатика буенча  бөтенроссия  олимпиадаларының  муниципаль этабына, муниципаль  олимпиада нәтиҗәләренә анализ ясалды.  Укытучылар олимпиада мәсьәләләре, дәүләт аттестациясе биремнәрен эшләү  буенча практикумда катнаштылар. Семинарда катнашучылар тарафыннан информатика укытучысы Ильясова Р.Г.  эшчәнлегенә югары бәя бирелде.

Туган як табигатенә соклану гына түгел, аны сакларга, яратырга кирәк. "Туган якны өйрәнү"  түгәрәгенә йөрүчеләр авылыбыз тарихын өйрәнеп кенә калмыйлар, төрле акцияләрдә катнашалар. 12 декабрь көнне түгәрәккә йөрүчеләр  Зыятдин чишмәсе тирәсен кардан чистарттылар.  Җитәкчеләре-Каримова Л.Р.

9 декабрьдә  Олы Кибәче урта гомумбелем бирү мәктәбе ачылуга  25 ел булу уңаеннан "Мәктәбем-белем учагы" дип исемләнгән очрашу-кичә булып узды. Шушы вакыт эчендә мәктәп 24 класс чыгарган, 414 укучы 9нчы классны тәмамласа, 339 укучы урта белем турында аттестат алган мәктәбебездән. 11 укучы алтын, 12 укучы көмеш медальгә лаек булган. Әлеге очрашуга ветеран укытучылар, мәктәбебездә төрле елларда хезмәт куйган укытучылар һәм хезмәткәрләр чакырылды. Мәктәбебез   балачакларына кайткан чыгарылыш класс укучыларын кабат белем дөньясына  җыйды. Алар укытучылары, классташлары белән очраштылар, укучылар эшләреннән булган күргәзмәләр белән таныштылар, альбомнарда,  видеороликларда үзләрен күреп, шул мизгелләрне хәтерләрендә яңарттылар.   Очрашуның тантаналы өлеше беренче кыңгырау чыңы белән башланып китте. Моннан 25 ел элек кыңгырау чылтыраткан Закирова Әлфия һәм Сафин Илвирга бирелде бу хокук. Кичә дәвамында һәркем үзенең хатирәләре белән уртаклашты, укытучылар хезмәт юлларын искә төшерсәләр, мәктәпне тәмамлаучылар  балачакларына кайттылар. 

15 декабря пройдет республиканское родительское интернет - собрание.

В рамках IV Всероссийской акции "Стоп ВИЧ/СПИД" обучающиеся школы 7, 8 классов нарисовали плакаты.

"Стоп ВИЧ-СПИД" акциясе кысаларында башлангыч классларда "Күңелле стартлар" узды. Балалар төрле ярышларда үзләренең көчләрен, җитезлекләрен сынадылар.

Бүген мәктәбебездә Аналар көне уңаеннан "Әнием-кадерлем" дип исемләнгән бәйрәм концерты булды. Сөекле әниләр хөрмәтенә бу көнне иң матур биюләр, иң матур җырлар тәкъдим ителде. Бәйрәмдә  барлык укучылар да сәхнәдә чыгыш ясады, һәрберсе үз әнисенә хөрмәте һәм яратуын әнә шулай җиткерде.

8 класста әниләр хөрмәтенә узган бәйрәм "Матур чәчәк бәйләме"  ди исемләнде. Әниләр балаларының  сабый вакытларын, балалар бакчасына, мәктәпкә киткән көннәрен искә төшерделәр. Балалар иң изге теләкләрен матур сүзләре, чыгышлары белән  чәчәк бәйләмнәренә төреп җиткерделәр. Класс җитәкчесе- Каримова Л.Р.

Туган якны өйрәнү түгәрәгенә йөрүчеләр ветеран укытучылар Сафин Рафил  Әхмәтович һәм Сафина Рузалия Зыятдиновна гаиләсендә булып, "Укытучылар династиясе"  дигән эзләнү эшенә әзерләнделәр, әлеге гаиләнең хезмәт тәҗрибәсе, үзенчәлекләре белән таныштылар. Түгәрәк җитәкчесе-Каримова Л.Р.

В рамках Дня правовой  помощи инспектор по делам несовершеннолетних Нагимов И.Т. выступил перед обучающимся  на темы "Обязанности и права обучающихся", "Сообщи, где торгуют смертью".