Укучылар белән Ике басу Арташ китапханәсенә сәяхәт оештырылды. Китапханәче Әгъләмҗанова Миләүшә укучыларга "Башваткыч" уены оештырды һәм викторина сорауларына җаваплар алынды. Укучылар яңа китаплар белән таныштылар һәм аларга бу сәяхәт бик ошады.

22 нче июнь- сугыш  башланган көнне искә алу максатыннан укучылар сугыш темасына багышланган шигырьләр сөйләделәр, тыл ветераннары турында эшләнгән альбом белән таныштылар һәм тынычлык темасына багышланган рәсем конкурсы уздырылды.

Лагерьның бүгенге көнендә укучылар компьютерда эшләүнең  яңа технологияләре белән таныштылар, хәрәкәтле уеннар уйнадылар һәм бакчада тырышып эшлделәр.

Укучылар бүген районыбызның истәлекле урыннарына сәяхәткә бардылар.Бүгенге экскурсия аларга бик ошады.

Җәйнең матур көнендә Мишә елгасы буенда кызлар-малайлар бүген бик тырышып балык тоттылар. Балыкны күп тоткан һәм иң зурын эләктергән балыкчыларны бүләкләү оештырылды.

Бүгенге көнебез "Дуслык белән көчле без" исеме астында үтте. Дуслык темасына багышланган әңгәмәдән соң укучылар үзләренең дуслары турында бик теләп үзләренең фикерләрен җиткерделәр, шулай ук дуслык турында җырлар, шигырләрне дә укучылар бик теләп башкардылар.Бәйрәм алдыннан оештырылган "Сабантуй мизгелләре" дип аталган рәсем конкурсында эчтәлекле, матур рәсемнәр ясалды.

Лагерьның бүгенге көне укучылар өчен аеруча истә калырлык булды. Лесхоз бистәсенең "Нарат" боз сараена һәм шулай ук  төрле  истәлекле урыннарга экскурсия укучыларга бик ошады.

 Чишмәләрне  чистарту - изге эш.Укучылар белән бу изге эштә без дә катнаштык.Туган ягыбыз чишмәләренә экскурсия ясап, аларның тарихы белән таныштык һәм тирә-якларын чистарту эшләрен оештырдык.

Табигать-зур байлык. Аны сакларга һәм яратырга кирәклеген истә тотып, бүген укучылар белән экология темасына әңгәмә уздырылды һәм туган ягыбыз табигатенә экскурсия оештырылды.

Бүген укучылар лагерьда күнелле уеннар уйнадылар һәм кызлар арасында эшләпәләр бизәү бәйгесе дә оешкан төстә узды.