"Сәламәт бул" акциясе кысаларында башлангыч сыйныф укучылары белән "Без сәламәтлек яклы" дип аталган бердәм дәрес үткәрелде.

Район күләмендә оештырылган баскетбол ярышының Икшермә кадет мәктәбендә зона туры булып узды.Мәктәбебезнең яшь баскетболчылар командасы әлеге ярышта уңышлы уен күрсәттеләр.

Халыкара "Илхам" бәйгесенең район турыннан узып,8 нче сыйныф укучысы Мөхәммәтҗанов Самат Арча районында уңышлы чыгыш ясап кайтты. Җитәкчесе Шигабиева Ф.А,

Бадминтон ярышларында зур уңышларга ирешкән 3 нче сыйныф укучысы Ахмадуллина Камилә үзенең яшьтәшләре арасында 3нче  урынга лаек булды. Җиңүчебез медаль һәм диплом белән бүләкләнде. Булдырасың, Камилә!

Укучыларнын яллары күңелле үтә. 6-7 нче сыйныф укучылары "Нарат" боз сараенда тимераякта шуып  кайттылар. 

Язгы каникуллар дәвам итә. Бүген 8-9 нчы сыйныф укучылары Саба аграр көллиятендә экскурсиядә булып кайттылар. Аларга киләчәктә проффессия сайларга бу зур этәргеч булды.

Нәүрәз бәйрәме  язны каршылап, язгы чәчү эшләре алдыннан үткәрлә торган халык бәйрәме булып санала. Ял көне бу бәйрәм клуб хезмәткәрләре белән берлектә бик күңелле итеп уздырылды. Мәктәбебез укучылары төрле уеннарда катнашып, тәмле ботка ашап, рәхәтләнеп ял иттеләр.Нәүрүз мөбәрәк булсын!

Районкүләмендә оештырылып килә торган мәгариф хезмәткәрләре арасында уздырылучы волейбол ярышының зона этабында безнең мәктәп коллективы командасы 2 нче урынга лаек булды. Алга таба да зур уңышлар телибез! Без булдырабыз!!!

Укучыларның көтеп алган язгы каникуллары җитте.3 нче чирек дәвамында булган һәр эшкә нәтиҗә ясау өчен, ата-аналар җыелышы үткәрелде. Җыелышта шулай ук язгы каникулга эш планы һәм әти-әниләрнең кайбер тәкъдимнәре дә каралды.

Мәктәбебездә эшләп килүче "Өмет" драма түгәрәге  коллективы(җит. Давлетова И.Г.) районда уздырылган "Без бергә" фестиваль-конкурсында уңышлы чыгыш ясап, 3 нче урынга лаек булдылар. Афәрин, сез булдырасыз!