Мәктәбебездә оешкан төстә сәламәтлек дәресләре булып үтте. Класс сәгатьләрендә укытучылар сәламәт яшәү рәвеше турында сөйләделәр. Дәресләрдә авыл фельдшеры Рәйсә Исмагиловна да катнашты.

Олы арташ төп мәктәбе укытучылары һәм техник хезмәткәрләре Сабага бассейнга бардылар. Йөзүләр вакытында 50,100 м дистанцияләрендә вакытка йөзүләр булды.

Барлык катнашучылар да тән һәм рух сихәте алып кайттылар. Рәхмәт оештыручыларга!

29 нчы март көнне мәктәпнең  13 иң тырыш яхшы укучысы  “Нарат” боз сараена барып күңелле  һәм файдалы итеп ял иттеләр.. Эзмә һәм  Нырты авылларыннан килгән балалар белән дә танышырга өлгерделәр. Балаларга бик ошады.

26 нчы март көнне мәктәбебездә Фаляхов Рифат Мәүлид улы истәлегенә көрәш булып узды. Ярышта районның яшь батырлары 11 авырлыкта бил алышты. Җиңүчеләр арасында безнең укучылар да бар иде. Менә алар: Галимуллин Алмаз- I урын(43 кг),  Дәүләтшин Булат- I урын(26 кг), Гаянов Илдус-II урын(50 кг), Галимуллин Нияз-II урын(40 кг), Ахмадуллин Рифат-III урын (32кг). Барлык җиңүчеләрне котлыйбыз!

Бүген бездә зур бәйрәм, 1 нче сыйныф укучылары Әлифба белән саубуллашырга җыелдылар. Әлифба бәйрәме кечкенәләрнең өч чиреклек эшенә йомгак ясау тантанасы ул. Балаларның барысы да укырга, язарга, матур итеп сөйләргә өйрәнде. Әлифба бәйрәме белән сезне беренчеләр!

6 март көнне мәктәбебездә 1-9 сыйныф кызлары катнашында "Ягез әле, кызлар!" бәйгесе үткәрелде. Бәйгедә 5 команда ("Замана баласы","Саба", "Дуслык", Бал кортлары", "Салют") катнашты. Бәйрәм өйгә бирелгән биремнәрне үтәү,  мода, пантамимо, сюрприз, прическа ясау турлары һәм концерт номерлары белән бергә үрелеп барды. Бәйрәм һәр командага аерым номинация белән бәяләнде. Аеруча "Замана балалары" командасының яхшы әзерлеге бәяләнеп үтелде.

Хөрмәтле гүзәл затлар, Сезне чын күңелдән 8 март ― Халыкара хатын-кызлар бәйрәме белән котлыйбыз. Сезгә озын гомер, сәламәтлек, бәхет-шатлык телибез, һәрвакытта көләч йөзле, шат күңелле булып калыгыз.

Бәхеткә, шатлыкка күмелеп,
Һәрвакыт елмаеп һәм көлеп
Кадергә, хөрмәткә төренеп
Яшәгез мәңгелек нур булып.

3 нче март көнне Түбән Шытсу урта мәктәбендә V-XI сыйныф укучылары арасында чангы ярышлары үткәрелде. Безнең укучыларыбыз да бу ярышларда актив катнаштылар.

 Безнең мәктәп егетләре “Милли көрәш” түгәрәгенә яратып йориләр. 25 нче февральдә Түбән Шытсу авылында Фәйзиев Мәгъсүм призына үткәрелгән ярышларда Галимуллин Алмаз, Гаянов Илдус һәм Сәләхиев Рәфисләр II урынны яуладылар. 26-27 нче февральдә Галимуллин Алмаз Казанда “Яңы гасыр Батыры” ярышларында катнашып II урынны яулады. Бу укучылар мәктәбебезнең горурлыгы. Афәрин егетләр!!!