16 нчы декабрь көнне Каюмов Нияз районда үткәрелгән Республикакүләм көрәш ярышында  2 нче урынны  алды, грамота һәм медаль белән бүләкләнде.

9 нчы декабрь көнне Казанда үткәрелгән Республикакүләм бадминтон ярышында 3 нче сыйныф укучысы Ахмадуллина Камилә 3 нче урынны алды. Бу җиңүе өчен ул медаль һәм кызыксындыру бүләкләренә ия булды.

Бүген балалар иҗат үзәгендә "Золотой каблучок" дип исемләнгән районкүләм хореография буенча  конкурс үткәрелде.Мәктәбебезнең "Сәйлән" бию төркеме (җитәкчесе Газизҗанова Г.В.) әлеге конкурста уңышлы чыгыш ясады. 

8 декабрь көнне балалар иҗат үзәгендә JuniorSkills стандартлары буенча район Чемпионаты булып узды. 6 нчы сыйныф укучысы Ахунова Гөлназ (җитәкчесе Хабибрахманова Г.Ш.) "Техника  дизайна и моды" номинациясендә 1 нче урынны алды. Булдырдын, Гөлназ!

 8 нче сыйныф укучысы Мөхәммәтҗанов Рәис экология һәм химия фәннәреннән (укытучысы Рузалия Хәмитовна) җиңүче булды! Чын күңелдән Рәисне котлыйбыз!

10 нчы декабрь көнне мәктәбебезнең технология укытучысы һәм профсоюз оешмасы җитәкчесе Гафур Әюп улына 55 яшь тулды! Юбилярыбызны чын күңелдән гомер бәйрәме белән котлыйбыз! Аңа саулык-сәламәтлек, гаилә иминлеге, эшендә зур уңышлар, бәхетле озын гомер телибез!

9 нчы декабрь- Ватан геройлары көне уңаеннан укучылар белән Бөек Ватан сугышы каһарманнары һәм Ватан геройлары турында төрле чаралар үткәрелде. Шулай ук обелиск кырын кардан чистартып, сугышта һәлак булган авылдашларыбызны искә алдык.

Башлангыч сыйныф укучылары арасында шахмат турниры булып узды. Уенда барлык укучылар да теләп катнашты.